Það vakti athygli síðastliðið haust þegar evrópska
handknattleikssambandið (EHF) felldi úr gildi undanþágu sem gerði Færeyingum
kleift að spila keppnisleiki sína í íþróttahöllinni á Hálsi í Þórshöfn.
Þess í stað spiluðu Færeyingar fyrsta heimaleik sinn í undankeppni EM gegn Danmörku í íþróttahöll danska úrvalsdeildarliðsins Skjern í október.
Í kjölfarið hafa skapast miklar umræður um málið meðal ráðamanna og almennings í Færeyjum og er ljóst að nýr þjóðarleikvangur fyrir innanhúsíþróttir mun rísa í Þórshöfn á næstu árum.
Ákveðið hefur verið að ný höll rísi á svæði sem kallast Stóratjörn í norðurjaðri Þórshafnar. Þar var gert ráð fyrir mikilli uppbyggingu fyrir rúmum 10 árum en þær áætlanir frestuðust í kjölfar efnahagshrunsins árið 2008. Nú hefur verið ákveðið að endurvekja þessi áform og mun ný fjölnota íþróttahöll rísa á svæðinu.
Einnig kom til greina að reisa nýja höll á helsta íþróttasvæði Þórshafnar þar sem núverandi þjóðarhöll og þjóðarleikvangurinn í knattspyrnu eru staðsett en Stóratjörn varð fyrir valinu með naumum meirihluta.
Áður hafði skipulags- og byggingarnefnd lagt það til að nýja þjóðarhöllin yrði staðsett við Stórutjörn.
Á bæjarráðsfundi Þórshafnar í október síðastliðnum var málið skoðað í þaula þar sem m.a. var rætt um hversu stór nýr þjóðarleikvangur þarf að vera en núverandi þjóðarhöll, íþróttahöllin á Hálsi, rúmar einungis 1800 manns í sæti.
Annika Olsen, bæjarstjóri Þórshafnar, hafði á öðrum bæjarráðsfundi flutt tillögu þess efnis að setja málefni nýrrar þjóðarhallar inn í fjárlög fyrir árið 2019.
Gunn Ellefsen, formaður færeyska handknattleikssambandsins, segir málið þola litla bið. Það mun ekki ganga til lengdar að spila alla keppnisleiki landsliða á erlendri grundu.
,,Þetta er vandamál,“ sagði Ellefsen sem vill sjá nýja fjölnota íþróttahöll sem stenst alþjóðlegar kröfur rísa sem fyrst. Hún segir að færeyskum stjórnvöldum beri skylda að búa þannig um hnútana að landslið þjóðarinnar spili keppnisleiki heima fyrir. Að hennar mati á fjármögnun nýs þjóðarleikvangs að vera í höndum ríkisins, Þórshafnar og einkaaðila.
Olsen tekur undir þessi orð og segir ljóst að byggja þurfi nýjan þjóðarleikvang fyrir innanhúsíþróttir í bænum, það sé einfaldlega staðreynd málsins. Hins vegar muni það ekki gerast nema með aðkomu ríkisins enda um að ræða fjárfreka framkvæmd.
Olsen fer auk þess hörðum orðum um forvera sinn sem samþykkti stækkun íþróttahallarinnar á Hálsi árið 2015 en þær framkvæmdir hefðu með réttu átt að aðlaga bygginguna að reglugerðum EHF.
Framkvæmdunum lauk árið 2017 og nam kostnaðurinn um 900 milljónum íslenskra króna en þess má geta að framkvæmdum vegna endurbóta hallarinnar hafa numið rúmum einum og hálfum milljarði króna frá 2008.
Heðin Mortensen, sem var forveri Olsen í starfi, segir þetta útúrsnúning hjá Olsen því það hafi verið vitað mál að stækkun íþróttahallarinnar á Hálsi myndi ekki aðlaga höllina að reglugerðum EHF.
Lofthæðin sé einfaldlega of lág og þá er ógerlegt að koma 2000 áhorfendum fyrir þar inni eins og reglugerð EHF segir til um. Það hafi einfaldlega verið mistök að gera ráð fyrir því að undanþágur vegna reglugerðar EHF myndu vara að eilífu.
Bogi Andreasen, sem á sæti í bæjarstjórn Þórshafnar, segir að nú sé runnin upp sú stund að setja byggingu nýrrar þjóðarhallar í ferli.
,,Það var gaman að mæta Dönum í Skjern, þó skemmtilegra hefði verið að mæta þeim í stórri og löglegri færeyskri höll,“ sagði Bogi í samtali við færeyska fjölmiðla.
,,Það er alltaf hægt að vera vitur eftir á og segja að taka hefði átt á þessu máli miklu fyrr en það skiptir ekki máli núna. Núna er mikilvægast að allir séu samtaka í því að ráðast í byggingu þessarar hallar. Hún á að vera vígi í undankeppnum og alþjóðlegum keppnum í handbolta, blaki, fimleikum o.s.frv,“ sagði Bogi og bætti við.
,,Það á að hefjast handa við þessa íþróttahöll, svo að íþróttafólk okkar geti keppt á alþjóðavettvangi hér heima í Færeyjum.“
Talað hefur verið um að nýja þjóðarhöllin í Færeyjum muni rúma á bilinu 3.000 - 4.500 manns í sæti. Til samanburðar tekur Laugardalshöllin 2.300 manns í sæti.
Þess í stað spiluðu Færeyingar fyrsta heimaleik sinn í undankeppni EM gegn Danmörku í íþróttahöll danska úrvalsdeildarliðsins Skjern í október.
Í kjölfarið hafa skapast miklar umræður um málið meðal ráðamanna og almennings í Færeyjum og er ljóst að nýr þjóðarleikvangur fyrir innanhúsíþróttir mun rísa í Þórshöfn á næstu árum.
Ákveðið hefur verið að ný höll rísi á svæði sem kallast Stóratjörn í norðurjaðri Þórshafnar. Þar var gert ráð fyrir mikilli uppbyggingu fyrir rúmum 10 árum en þær áætlanir frestuðust í kjölfar efnahagshrunsins árið 2008. Nú hefur verið ákveðið að endurvekja þessi áform og mun ný fjölnota íþróttahöll rísa á svæðinu.
Einnig kom til greina að reisa nýja höll á helsta íþróttasvæði Þórshafnar þar sem núverandi þjóðarhöll og þjóðarleikvangurinn í knattspyrnu eru staðsett en Stóratjörn varð fyrir valinu með naumum meirihluta.
Áður hafði skipulags- og byggingarnefnd lagt það til að nýja þjóðarhöllin yrði staðsett við Stórutjörn.
Á bæjarráðsfundi Þórshafnar í október síðastliðnum var málið skoðað í þaula þar sem m.a. var rætt um hversu stór nýr þjóðarleikvangur þarf að vera en núverandi þjóðarhöll, íþróttahöllin á Hálsi, rúmar einungis 1800 manns í sæti.
Annika Olsen, bæjarstjóri Þórshafnar, hafði á öðrum bæjarráðsfundi flutt tillögu þess efnis að setja málefni nýrrar þjóðarhallar inn í fjárlög fyrir árið 2019.
Gunn Ellefsen, formaður færeyska handknattleikssambandsins, segir málið þola litla bið. Það mun ekki ganga til lengdar að spila alla keppnisleiki landsliða á erlendri grundu.
,,Þetta er vandamál,“ sagði Ellefsen sem vill sjá nýja fjölnota íþróttahöll sem stenst alþjóðlegar kröfur rísa sem fyrst. Hún segir að færeyskum stjórnvöldum beri skylda að búa þannig um hnútana að landslið þjóðarinnar spili keppnisleiki heima fyrir. Að hennar mati á fjármögnun nýs þjóðarleikvangs að vera í höndum ríkisins, Þórshafnar og einkaaðila.
Olsen tekur undir þessi orð og segir ljóst að byggja þurfi nýjan þjóðarleikvang fyrir innanhúsíþróttir í bænum, það sé einfaldlega staðreynd málsins. Hins vegar muni það ekki gerast nema með aðkomu ríkisins enda um að ræða fjárfreka framkvæmd.
Olsen fer auk þess hörðum orðum um forvera sinn sem samþykkti stækkun íþróttahallarinnar á Hálsi árið 2015 en þær framkvæmdir hefðu með réttu átt að aðlaga bygginguna að reglugerðum EHF.
Framkvæmdunum lauk árið 2017 og nam kostnaðurinn um 900 milljónum íslenskra króna en þess má geta að framkvæmdum vegna endurbóta hallarinnar hafa numið rúmum einum og hálfum milljarði króna frá 2008.
Heðin Mortensen, sem var forveri Olsen í starfi, segir þetta útúrsnúning hjá Olsen því það hafi verið vitað mál að stækkun íþróttahallarinnar á Hálsi myndi ekki aðlaga höllina að reglugerðum EHF.
Lofthæðin sé einfaldlega of lág og þá er ógerlegt að koma 2000 áhorfendum fyrir þar inni eins og reglugerð EHF segir til um. Það hafi einfaldlega verið mistök að gera ráð fyrir því að undanþágur vegna reglugerðar EHF myndu vara að eilífu.
Bogi Andreasen, sem á sæti í bæjarstjórn Þórshafnar, segir að nú sé runnin upp sú stund að setja byggingu nýrrar þjóðarhallar í ferli.
,,Það var gaman að mæta Dönum í Skjern, þó skemmtilegra hefði verið að mæta þeim í stórri og löglegri færeyskri höll,“ sagði Bogi í samtali við færeyska fjölmiðla.
,,Það er alltaf hægt að vera vitur eftir á og segja að taka hefði átt á þessu máli miklu fyrr en það skiptir ekki máli núna. Núna er mikilvægast að allir séu samtaka í því að ráðast í byggingu þessarar hallar. Hún á að vera vígi í undankeppnum og alþjóðlegum keppnum í handbolta, blaki, fimleikum o.s.frv,“ sagði Bogi og bætti við.
,,Það á að hefjast handa við þessa íþróttahöll, svo að íþróttafólk okkar geti keppt á alþjóðavettvangi hér heima í Færeyjum.“
Talað hefur verið um að nýja þjóðarhöllin í Færeyjum muni rúma á bilinu 3.000 - 4.500 manns í sæti. Til samanburðar tekur Laugardalshöllin 2.300 manns í sæti.
Ummæli
Skrifa ummæli