Fara í aðalinnihald

Glæsileg fjölnota íþróttahöll fyrirhuguð í Bergen í Noregi

Fyrir stuttu voru kynntar hugmyndir um mikla uppbyggingu nálægt miðborg Bergen í Noregi en þar er meðal annars ráðgert að reisa glæsilega fjölnota íþróttahöll auk hótels, kvikmyndahúss og lögregluskóla.

Yfirbragð svæðsins á að vera grænt og hið náttúrulega umhverfi á að vera í fyrirrúmi. Sú ásjóna er í algjörri andstöðu við útlit svæðisins í dag þar sem gríðarlega stórt, fjögurra hæða bílastæðahús rís upp úr malbikinu og setur mikinn og miður góðan svip á umhverfið.

Ný höll í bígerð í 10 ár
Borgaryfirvöld í Bergen hafa haft uppi áform um byggingu nýrrar fjölnota íþróttahallar í um 10 ára skeið en helsta íþróttahöll borgarinnar, Haukelandshallen, var tekin í notkun árið 1970 og þykir úrelt mannvirki samkvæmt nútímastöðlum.

Hin nýja fjölnota íþróttahöll verður glæsilegt mannvirki og mun rúma 8.200 manns í sæti eða 3.200 fleiri áhorfendur en rúmast í Haukelandshallen.

Gríðarlega mikil uppbyggingu á sér nú stað á íþróttamannvirkjum á Norðurlöndum og þá sérstaklega íþróttahöllum en meirihluti þeirra halla sem nú er verið að skipta út voru reistar á árabilinu 1965 – 1975.

Til samanburðar hófst bygging Laugardalshallarinnar árið 1959 og var hún tekin í notkun árið 1965.

Hér að neðan má sjá tölvuteiknaðar myndir af fyrirhugaðri fjölnota íþróttahöll í Bergen.


Tölvuteiknuð mynd: 3XN Architects.

Tölvuteiknuð mynd: 3XN Architects.

Tölvuteiknuð mynd: 3XN Architects.

Hér að neðan má sjá mynd af hinu gríðarlega stóra bílastæðahúsi í Bergen sem ráðgert er að fari undir fyrirhugaða uppbyggingu. Síðan er mynd af gömlu íþróttahöllinni sem nefnist Haukelandshallen. Að lokum sést á korti hvar nýja íþróttahöllin á að rísa og hvar sú gamla er staðsett innan borgarmarkanna.

 
Mynd: Sindre Helgheim/NRK.

Mynd: Google Maps.


Samsett mynd höfundar unnin upp úr Google Maps.
 

Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F
Skrifa ummæli
Lesa meira

Landsliðsmenn um Laugardalshöll árið 1994: ,,á engan hátt samboðin þeirri reisn sem við viljum að íslenskur handknattleikur standi fyrir."

Íslenskir handboltalandsliðsmenn töldu sig illa svikna þegar ljóst var að ný keppnishöll myndi ekki rísa fyrir HM 95. Að þeirra mati var Laugardalshöllin úrelt bygging og engan veginn í stakk búin til að hýsa stórleiki á heimsmeistaramóti sem og aðra leiki að því loknu. Auðvitað var þessi höll þeim öllum kær en að þeirra mati áttu tilfinningar ekki að ráða för í þessu máli. Í júlí 1994, rúmum tíu mánuðum fyrir setningu heimsmeistaramótsins, sendu landsliðsmennirnir aðsenda grein í Morgunblaðið undir yfirskriftinni ,,Við gerum okkar besta - en ..." þar sem framtaksleysi stjórnvalda var harðlega gagnrýnt. ,,V ið höfum allir átt ógleymanlegar stundir í Laugardalshöllinni og margir af stærstu sigrum íslenska landsliðsins hafa einmitt verið þar. Hins vegar verður að viðurkennast að þessi 30 ára gamla bygging er barn síns tíma og á engan hátt samboðin þeirri reisn sem við viljum að íslenskur handknattleikur standi fyrir ," stóð m.a. í greininni. ,,Þ að er hins vegar alveg lj
Skrifa ummæli
Lesa meira