Fara í aðalinnihald

EHF fellir undanþágu Færeyjinga úr gildi - slæmar fréttir fyrir Íslendinga

EHF hefur ákveðið að fella úr gildi undanþágu sem gerði Færeyjingum kleift að spila alþjóðlega keppnisleiki í íþróttahöllinni á Hálsi í Þórshöfn.

Um er að ræða stærstu íþróttahöll fyrir innanhúsíþróttir í Færeyjum en ákveðið hefur verið að fyrsti heimaleikur Færeyja í undankeppni EM 2020 verði 27. eða 28. október í Skjern í Danmörku. Og hverjir verða andstæðingarnir? Jú, Danir.

Samkvæmt frétt sem birtist á Handball-Planet í dag uppfyllir Höllin á hálsi ekki lágmarkskröfur er varðar áhorfendafjölda en hægt er að rúma 1.800 manns þar í sæti.  EHF gerir kröfur um að lágmarkssætafjöldi í keppnishöllum sé 2.000 sæti en þess má geta að Laugardalshöllin tekur 2.300 manns í sæti.

Höllin á Hálsi. Mynd: In.fo.
Samkvæmt fréttinni uppfyllti Höllin á Hálsi ekki aðra sérgreindra kröfustaðla en gera má ráð fyrir því að þeir lúti að rýmingu mannvirkisins í tilfelli elds. Auk þess virðist sem að of þröngt sé á milli keppnisrýmis og áhorfendarýmis.

Laugardalshöllin næst?
Laugardalshöllin er á svipaðri undanþágu og því ljóst að þessar fréttir vekja ugg hjá forráðamönnum HSÍ en eins og ég greindi frá á þessari síðu fyrir stuttu getur EHF fellt undanþágu Laugardalshallarinnar úr gildi með einu símtali.

Í reglugerð EHF kemur fram að reglulega skuli sýnt fram á að skilyrðum undanþágunnar sé fylgt eftir með staðfestingu af hálfu sambandsins. Þar kemur skýrt fram að EHF getur afturkallað undanþágur hvenær sem er. Það er ótrúlegt að íslenska handknattleikssambandið þurfi að búa við slíkar aðstæður. Það er raunar óásættanlegt.

Það er líka ótrúlegt að Ísland er eina þjóðin sem er reglulegur þátttakandi á Evrópumótum í handknattleik karla sem á ekki þjóðarhöll í fyrsta gæðaflokki. Þess í stað spilar landsliðið heimaleiki í lítilli 53 ára gamalli höll, sem stenst ekki nútíma kröfur og staðla.

Svo virðist sem að stefna EHF í þessum efnum sé að verða strangari og að þjóðir með keppnishallir á undanþágum þurfi að fara að taka þessi mál alvarlega.

Ég hef heyrt orðróm þess efnis að stefnt sé að því að keppnishallir þurfi að rúma að minnsta kosti 3.000 áhorfendur á alþjóðlegum keppnisleikjum í framtíðinni. Það myndi þýða endalok Laugardalshallarinnar.


Færeyjingum hefur verið settur stóllinn fyrir dyrnar. Er HSÍ næst?

Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F
Skrifa ummæli
Lesa meira

Landsliðsmenn um Laugardalshöll árið 1994: ,,á engan hátt samboðin þeirri reisn sem við viljum að íslenskur handknattleikur standi fyrir."

Íslenskir handboltalandsliðsmenn töldu sig illa svikna þegar ljóst var að ný keppnishöll myndi ekki rísa fyrir HM 95. Að þeirra mati var Laugardalshöllin úrelt bygging og engan veginn í stakk búin til að hýsa stórleiki á heimsmeistaramóti sem og aðra leiki að því loknu. Auðvitað var þessi höll þeim öllum kær en að þeirra mati áttu tilfinningar ekki að ráða för í þessu máli. Í júlí 1994, rúmum tíu mánuðum fyrir setningu heimsmeistaramótsins, sendu landsliðsmennirnir aðsenda grein í Morgunblaðið undir yfirskriftinni ,,Við gerum okkar besta - en ..." þar sem framtaksleysi stjórnvalda var harðlega gagnrýnt. ,,V ið höfum allir átt ógleymanlegar stundir í Laugardalshöllinni og margir af stærstu sigrum íslenska landsliðsins hafa einmitt verið þar. Hins vegar verður að viðurkennast að þessi 30 ára gamla bygging er barn síns tíma og á engan hátt samboðin þeirri reisn sem við viljum að íslenskur handknattleikur standi fyrir ," stóð m.a. í greininni. ,,Þ að er hins vegar alveg lj
Skrifa ummæli
Lesa meira