Fara í aðalinnihald

Bráðabirgða stúkukerfi til að brúa bilið

Ef stjórnvöld eru treg til að byggja nýjan þjóðarleikvang fyrir innanhúsíþróttir á næstu 5 árum, legg ég til að fundinn verði framtíðarstaðsetning nýs leikvangs.

Í kjölfarið verði reist þar bráðabirgðaskel; grindarhús í stíl við knattspyrnuhallirnar, einungis minna í sniðum. Síðan verði fjárfest í bráðabrigða stúkukerfi fyrir sex til sjö þúsund áhorfendur.

Svona fjárfesting gæti numið á bilinu 400 – 700 milljónir króna.

Þarna væri hægt að halda innitónleika, alþjóðlegar fimleikakeppnir, ráðstefnur og margt meira í bland við íþróttakappleiki.

Með reglubundnu viðhaldi og öryggisskoðunum gætið mannvirkið staðið óhaggað um áraraðir. Bráðabirgðaíþróttamannvirki hafa þróast mikið gegnum árin en þau þurfa að standast miklar öryggiskröfur.

Dæmi eru um að knattspyrnulið hafi reist bráðabirgðaleikvanga til að brúa bilið þangað til framkvæmdir við byggingu nýs leikvangs hefjist. Knattspyrnulið í Christchurch í Nýja-Sjálandi reisti t.a.m. bráðabirgðaleikvang á innan við 100 dögum árið 2011 og er ráðgert að hann verði í notkun til ársins 2022 (sjá meðfylgjandi mynd).

Mynd: Ausleisure.com

Í nýrri bráðabrigða keppnishöll í Laugardal gætu landsliðin í hand- og körfuknattleik stundað æfingar af kappi fyrir keppnisleiki og á sama tíma verður rýmra um æfingar fyrir aðra í Laugardalshöllinni.

Síðan þegar búið verður að ákveða hvenær nýr þjóðarleikvangur innanhússíþrótta verður reistur, verður auðvelt verk að taka niður stúkuna og skelina. Í kjölfarið væri hægt að selja heila klappið.

Þegar sumarólympíuleikunum í London árið 2012 lauk var ljóst að fjarlægja þyrfti þau bráðabirgðamannvirki sem höfðu verið reist fyrir leikana. Meðal þessara mannvirkja var körfuknattleikshöllin en hún þótti eitt best heppnaða mannvirki leikanna.

Höllin var tekin niður og var skelin seld fyrir um 300 milljónir króna og 12.000 sæta stúkukerfið var falt fyrir um 450 milljónir króna.

Þegar ég spurðist fyrir um kostnað við kaup á 5.000 sæta stúkukerfi fyrir nokkrum árum síðan var svarið við spurningunni um 50 milljónir króna (sjá meðfylgjandi mynd).

Neðstu fimm myndirnar eru af körfuboltahöllinni sem var í notkun á Ólympíuleikunum í London árið 2012.

Mynd: Pakar Seating.


Mynd: Wikipedia.com

Mynd: Wilkinson Eyre Architects.

Mynd: Wilkinson Eyre Architects.

Mynd: Wilkinson Eyre Architects.


Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem ...
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F...
Skrifa ummæli
Lesa meira

Kristianstad Arena í Svíþjóð

Svíar eru leiðandi afl í uppbyggingu íþróttamannvirkja á Norðurlöndum og í Kristianstad þar sem búa um 40.000 þúsund manns er að finna gríðarlega vandaða fjölnota íþróttahöll. Höllin sem um ræðir ber heitið Kristianstad Arena og var tekin í notkun árið 2010. Hún tekur 4.700 áhorfendur í sæti og var ein af keppnishöllunum á HM í handbolta í Svíþjóð 2011. Byggingarkostnaður hallarinnar nam um 4,5 milljörðum íslenskra króna á núvirði og var fjármögnunin alfarið í höndum sveitarfélagsins Kristianstad. Þó svo að höllin taki einungis 4.700 manns í sæti er hönnunin slík að svo virðist sem hún rúmi mun fleiri áhorfendur. Þetta er gríðarlega skemmtilegt og metnaðarfullt mannvirki sem 40.000 manna bær getur verið stoltur af. Þess má geta að höllin er heimavöllur IFK Kristianstad, þar sem Ólafur Andrés Guðmundsson, handknattleikskappi, hefur gert garðinn frægan á undanförnum árum.   Skjáskot: Google Earth. Mynd: Petter Arvidson/Bildbyrån.
Skrifa ummæli
Lesa meira