Fara í aðalinnihald

Safamýrin er spennandi uppbyggingarsvæði


Íþróttasvæði Fram í Safamýri er gríðarlega spennandi uppbyggingarsvæði. Ljóst er Fram mun yfirgefa svæðið innan þriggja ára þegar það flytur starfsemi sína í Úlfarsárdal. Vilji borgarinnar er að áfram verði starfrækt íþróttatengd starfsemi á svæðinu en þó hafa einnig verið uppi hugmyndir að skipuleggja þar íbúabyggð.

Skjáskot: Já.is.
Svæðið er vissulega nógu stórt og mjög fýsilegt undir fjölnota íþróttahöll; nýjan þjóðarleikvang innanhússíþrótta. Með einföldu mati á grunnkorti/loftmynd er augljóst að auðveldlega er hægt að koma þar fyrir um 10.000 m2 byggingu sem er stærð 7 – 8.000 sæta íþróttahallar. Auk þess er rými fyrir viðbótaruppbyggingu í tengslum við mannvirkið. Enginn landhalli er á svæðinu og má segja að það kjörlendi fyrir stórt íþróttamannvirki. Þá er svæðið skilgreint sem íþróttasvæði í aðalskipulagi Reykjavíkur og þyrfti því ekki að ráðast í breytta skilgreinda landnotkun.

Lóðin er um 3,8 ha að stærð en afmörkun hennar má sjá hér að neðan auk þess sem byggingarmassi 10.000 m2 fjölnota íþróttahallar er mátaður við tvær staðsetningar á svæðinu.


Staðsetning svæðisins er auk þess mjög fýsileg með tilliti nálægðar við stofnbrautir (sjá neðangreinda mynd) en tvær stórar samgönguæðar liggja nálægt svæðinu, þ.e. Miklabraut (austur-vestur) og Kringlumýrarbraut (suður-norður). Mikilvægt er að umferðarflæði sé óskert frá  svæðinu enda 7 – 8.000 manns töluverður fjöldi.


Hins vegar er ljóst að bæta þyrfti aðgengi að svæðinu til muna en það er töluverður ókostur að núverandi aðgengi ökutækja er í gegnum íbúahverfi. Ljóst er að koma þyrfti á beinni tengingu svæðisins við Miklubraut eða Kringlumýrarbraut.

Staðsetning Safamýrar er góð með tilliti til almenningssamgangna sem fara reglulega um þetta svæði og þá er ráðgert að borgarlínan fylgi þessum tveimur stofnbrautum í framtíðinni.

Einn stærsti verslunarkjarni landsins, Kringlusvæðið, er í grennd við Safamýri og þar skapst jafnvel möguleiki á að samnýta þar bílastæðahúsin utan háannatími líkt og þekkist víða erlendis, þar sem íþróttamannvirki eru byggð í nánd við verslunarmiðstöðvar.

Það er þó ljóst að 10.000 m2 bygging mun hafa töluverð neikvæð áhrif á nærliggjandi byggð sem hverfist um íþróttasvæðið. Hins vegar er hægt að draga úr áhrifunum með ákveðinni staðsetningu mannvirkisins á svæðinu.

Þetta er frekari innlegg í umræðuna um nýjan þjóðarleikvang fyrir innahúsíþróttir. Vitaskuld er Laugardalurinn fýsilegasti valkosturinn og með réttu ætti hann að vera fyrsti, annar og þriðji valkostur. En vangaveltur eru skemmtilegar.



Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F
Skrifa ummæli
Lesa meira

Landsliðsmenn um Laugardalshöll árið 1994: ,,á engan hátt samboðin þeirri reisn sem við viljum að íslenskur handknattleikur standi fyrir."

Íslenskir handboltalandsliðsmenn töldu sig illa svikna þegar ljóst var að ný keppnishöll myndi ekki rísa fyrir HM 95. Að þeirra mati var Laugardalshöllin úrelt bygging og engan veginn í stakk búin til að hýsa stórleiki á heimsmeistaramóti sem og aðra leiki að því loknu. Auðvitað var þessi höll þeim öllum kær en að þeirra mati áttu tilfinningar ekki að ráða för í þessu máli. Í júlí 1994, rúmum tíu mánuðum fyrir setningu heimsmeistaramótsins, sendu landsliðsmennirnir aðsenda grein í Morgunblaðið undir yfirskriftinni ,,Við gerum okkar besta - en ..." þar sem framtaksleysi stjórnvalda var harðlega gagnrýnt. ,,V ið höfum allir átt ógleymanlegar stundir í Laugardalshöllinni og margir af stærstu sigrum íslenska landsliðsins hafa einmitt verið þar. Hins vegar verður að viðurkennast að þessi 30 ára gamla bygging er barn síns tíma og á engan hátt samboðin þeirri reisn sem við viljum að íslenskur handknattleikur standi fyrir ," stóð m.a. í greininni. ,,Þ að er hins vegar alveg lj
Skrifa ummæli
Lesa meira