Hala Sportowa Czestochowa er fjölnota íþróttahöll í Czestochowa-borg í Póllandi. Hún var tekin í notkun árið 2012 og rúmar 7.100 manns í sæti.
Þessi tiltekna íþróttahöll er af því tagi sem ég tel henta okkur Íslendingum.
Undir lok síðasta áratugar sáu borgaryfirvöld í Czestochowa að helsta íþróttahöll borgarinnar, Hala Sportowa Polonia, var úrelt mannvirki en höllin var vígð árið 1986. Hún var auk þess of lítil, en 1.950 sæti hennar voru of fá til að anna eftirspurn þegar stórviðburði bar að garði. Það þarf ekkert að efa það enda íbúar borgarinnar um 230 þúsund talsins.
Áður en ákvörðun um byggingu nýrrar hallar var tekin þurfti að framkvæma þarfagreiningu og staðarvalsgreiningu þar sem þörf á nýrri höll var metin og fýsileg staðsetning valin. Niðurstaðan var að æskilegast væri að byggja nýja fjölnota íþróttahöll sem gæti rúmað á bilinu 6.000 - 7.500 manns í sæti. Þá þótti hentugast að reisa hana í nánd við helsta íþróttamannvirki borgarinnar, knattspyrnuleikvanginn SGP Arena, sem er staðsettur í austurjaðri borgarinnar.
Gamla íþróttahöllin var staðsett nærri miðborginni, rúmum 3,5 km frá knattspyrnuleikvanginum, þar sem hentugt og nægjanlegt landrými var af skornum skammti. Því þótti lang skynsamlegast að hlíta niðurstöðum staðarvalsgreiningarinnar.
Framkvæmdir við byggingu íþróttahallarinnar hófust árið 2010 og tóku þær um eitt og hálft ár en þeim lauk árið 2012. Heildarbyggingarkostnaður nam um 2 milljörðum íslenskra króna sem skiptist milli þriggja aðila.
Borgarsjóður Czestochowa-borgar reiddi fram 600 milljónir króna til verkefnisins og sérstakur þróunarsjóður fyrir svæði í Norður-Póllandi lagði til 865 milljónir. Þriðji aðilinn að uppbyggingunni var pólska ríkið en íþrótta- og ferðamálaráðuneyti landsins gaf leyfi fyrir því að 586 milljónir króna yrðu nýttar til verkefnisins.
Þarna er samvinna milli ríkis og borgar greinileg og sýnir hvernig hægt er að fjármagna stór mannvirki með aðkomu nokkurra aðila. Þá er áhugavert að í sumum löndum eru þróunarsjóðir sem hægt er að seilast í fyrir uppbyggingu í tilteknum landshlutum.
Til samanburðar má geta þess að einungis 10.000 færri íbúar búa á höfuðborgarsvæðinu en í Czestochowa og er Laugardalshöllin örlítið stærri en miklu eldri en sú íþróttahöll sem þótti of lítil og úrelt í Póllandi. Að mínu mati þarf að framkvæma þarfagreiningu um stærð næsta þjóðarleikvangs innanhússíþrótta hérlendis. Ég hef þegar framkvæmt staðarvalsgreiningu og er hún, fyrir áhugasama, að finna á skemman.is.
Hér að neðan má sjá myndir af íþróttahöllunum tveimur í Czestochowa; tvær efri myndirnar eru af gömlu höllinni en tvær neðri myndirnar sýna glæsileika nýju íþróttahallarinnar.
Þessi tiltekna íþróttahöll er af því tagi sem ég tel henta okkur Íslendingum.
Undir lok síðasta áratugar sáu borgaryfirvöld í Czestochowa að helsta íþróttahöll borgarinnar, Hala Sportowa Polonia, var úrelt mannvirki en höllin var vígð árið 1986. Hún var auk þess of lítil, en 1.950 sæti hennar voru of fá til að anna eftirspurn þegar stórviðburði bar að garði. Það þarf ekkert að efa það enda íbúar borgarinnar um 230 þúsund talsins.
Áður en ákvörðun um byggingu nýrrar hallar var tekin þurfti að framkvæma þarfagreiningu og staðarvalsgreiningu þar sem þörf á nýrri höll var metin og fýsileg staðsetning valin. Niðurstaðan var að æskilegast væri að byggja nýja fjölnota íþróttahöll sem gæti rúmað á bilinu 6.000 - 7.500 manns í sæti. Þá þótti hentugast að reisa hana í nánd við helsta íþróttamannvirki borgarinnar, knattspyrnuleikvanginn SGP Arena, sem er staðsettur í austurjaðri borgarinnar.
Gamla íþróttahöllin var staðsett nærri miðborginni, rúmum 3,5 km frá knattspyrnuleikvanginum, þar sem hentugt og nægjanlegt landrými var af skornum skammti. Því þótti lang skynsamlegast að hlíta niðurstöðum staðarvalsgreiningarinnar.
Framkvæmdir við byggingu íþróttahallarinnar hófust árið 2010 og tóku þær um eitt og hálft ár en þeim lauk árið 2012. Heildarbyggingarkostnaður nam um 2 milljörðum íslenskra króna sem skiptist milli þriggja aðila.
 |
| Svona er umhorfs í nýju höllinni. |
Þarna er samvinna milli ríkis og borgar greinileg og sýnir hvernig hægt er að fjármagna stór mannvirki með aðkomu nokkurra aðila. Þá er áhugavert að í sumum löndum eru þróunarsjóðir sem hægt er að seilast í fyrir uppbyggingu í tilteknum landshlutum.
Til samanburðar má geta þess að einungis 10.000 færri íbúar búa á höfuðborgarsvæðinu en í Czestochowa og er Laugardalshöllin örlítið stærri en miklu eldri en sú íþróttahöll sem þótti of lítil og úrelt í Póllandi. Að mínu mati þarf að framkvæma þarfagreiningu um stærð næsta þjóðarleikvangs innanhússíþrótta hérlendis. Ég hef þegar framkvæmt staðarvalsgreiningu og er hún, fyrir áhugasama, að finna á skemman.is.
Hér að neðan má sjá myndir af íþróttahöllunum tveimur í Czestochowa; tvær efri myndirnar eru af gömlu höllinni en tvær neðri myndirnar sýna glæsileika nýju íþróttahallarinnar.
Ummæli
Skrifa ummæli