Fara í aðalinnihald

Færeyjar og Andorra sýna fram á getuleysi Íslendinga

Laugardalshöllin rúmar 2.300 manns í sæti. Íþróttahöllin á Hálsi í Þórshöfn, þjóðarleikvangur innanhússíþrótta í Færeyjum, tekur 1.800 manns í sæti í kjölfar stækkunnar á byggingunni á síðasta ári. 

Á Íslandi er íbúafjöldinn um 350.000 manns en í Færeyjum búa um 50.000 manns. Íbúafjöldi höfuðborgarsvæðisins er um 220.000 en íbúafjöldinn í Þórshöfn og nærliggjandi byggðum er um 20.000.

Byggingin á Hálsi í Þórshöfn var lengd töluvert í endurbótunum sem þýðir að hægt er að koma fyrir stórum færanlegum stúkum bakvið endalínur vallarins. Þegar þær eru í notkun, rúmast 1.800 manns í sæti í byggingunni.

Þegar stækkun íþróttahallarinnar var fyrst til umræðu var möguleiki á byggingu nýrrar, stórrar íþróttahallar kannaður. Að endingu var horfið frá því en ef sá kostur hefði orðið fyrir valinu er ljóst að  Íslendingar hefðu innan fárra ára átt minni þjóðarleikvang í innanhússíþróttum en Færeyingar.

Íþróttahöllin á Hálsi er hlutfallslega stærri en Laugardalshöllin sé miðað íbúafjölda Íslands og Færeyja en til að vera jafnokar Færeyinga þyrfti Laugardalshöllin að rúma 12.500 manns í sæti.

 Þetta er auðvitað óraunhæf tala og langtum stærri höll en þörf er á hérlendis en hún sýnir þó fram á það hversu lítil Laugardalshöllin er í raun og veru.


Endurbætur á íþróttahöllinni á Hálsi gerir það kleift að reisa færanlegar stúkur fyrir aftan mörkin.
Andorrabúar mun færri en Íslendingar en eiga mun stærri höll
Færeyingar komast hins vegar ekki með tærnar þar sem Andorrabúar eru með hælana því sú örþjóð á þjóðarhöll sem rúmar 5.000 manns í sæti.

Íbúafjöldi Andorra er um 77 þúsund manns. Það þýðir að þjóðarhöllin í Andorra er ekki einungis stærri en Laugardalshöllin, heldur er hún gríðarlega stórt mannvirki í samanburði við Laugardalshöllina ef mið er tekið af íbúafjölda þjóðanna.

Til að standa jafnfætis Andorra þyrfti Laugardalshöllin að rúma um 22.700 manns í sæti.

Íbúar á Íslandi eru um fjórum og hálfum sinnum fleiri en íbúar Andorra en samt er þjóðarleikvangurinn fyrir innanhúsíþróttir, Laugardalshöllin, meira en helmingi minni en þjóðarhöllin í Andorra. Hvernig getur þetta staðist?
Poliesportiu d'Andorra er helsta íþróttahöll Andorra.

Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F
Skrifa ummæli
Lesa meira

Landsliðsmenn um Laugardalshöll árið 1994: ,,á engan hátt samboðin þeirri reisn sem við viljum að íslenskur handknattleikur standi fyrir."

Íslenskir handboltalandsliðsmenn töldu sig illa svikna þegar ljóst var að ný keppnishöll myndi ekki rísa fyrir HM 95. Að þeirra mati var Laugardalshöllin úrelt bygging og engan veginn í stakk búin til að hýsa stórleiki á heimsmeistaramóti sem og aðra leiki að því loknu. Auðvitað var þessi höll þeim öllum kær en að þeirra mati áttu tilfinningar ekki að ráða för í þessu máli. Í júlí 1994, rúmum tíu mánuðum fyrir setningu heimsmeistaramótsins, sendu landsliðsmennirnir aðsenda grein í Morgunblaðið undir yfirskriftinni ,,Við gerum okkar besta - en ..." þar sem framtaksleysi stjórnvalda var harðlega gagnrýnt. ,,V ið höfum allir átt ógleymanlegar stundir í Laugardalshöllinni og margir af stærstu sigrum íslenska landsliðsins hafa einmitt verið þar. Hins vegar verður að viðurkennast að þessi 30 ára gamla bygging er barn síns tíma og á engan hátt samboðin þeirri reisn sem við viljum að íslenskur handknattleikur standi fyrir ," stóð m.a. í greininni. ,,Þ að er hins vegar alveg lj
Skrifa ummæli
Lesa meira