Fara í aðalinnihald

Hvers vegna er Laugardalshöllin ólöglegur keppnisstaður?

Laugardalshöllin er ólöglegur keppnisstaður. Reglugerðir sem EHF og FIBA hafa gefið út sýna fram á það með skýrum stöfum. Okkar frábæru landslið í hand- og körfubolta eru því að leika heimaleiki sína í keppnishöll sem er á undanþágu. Ótrúlegt að landslið (sem var eitt besta handboltalandslið heims um tíma) sem vinnur til silfurverðlauna á Ólympíuleikum og bronsverðlauna í lokakeppni Evrópumóts þurfi að spila heimaleiki sína í þannig umhverfi. Óvirðing.

Hér að neðan eru uppdrættir sem sýna hvernig sífellt hefur þrengt að keppnisgólfinu í Laugardalshöllinni. Myndin vinstra megin sýnir uppdrátt af höllinni þegar hún var vígð. Sjáið hvað er rúmt um gólfið til allra hliða. Svona á þetta að vera. Uppdrátturinn til hægri sýnir hins vegar hversu galin keppnisaðstaðan er orðin í höllinni; sérstaklega í handboltaleikjum. Þá setur FIBA út á keppnishallir þar sem áhorfendahólf eru stór (líkt og í efri stúkunni í Laugardalshöll) ef einsýnt er að rýming gæti tekið lengri tíma en eðlilegt þykir.


Eftirlitsmaður á vegum EHF setti út á þessa þröngu aðstöðu í landsleik árið 2014 en of lítið rými var á milli keppnisgólfs, auglýsingaskilta og stóru áhorfendastúkunar ef koma þyrfti til skjótrar rýmingar. ,,Það var eitthvað sem við réðum ekki við. En þegar það vandamál var leyst varð til annað hinum megin þar sem það voru alltof mikil þrengsli í kringum heiðursstúkuna og sætin á vængjunum. Við vorum að sjá leik núna í fyrsta skipti eftir að völlurinn var færður og þetta var niðurstaðan. Svona er bara staðan á þessu húsi. Það uppfyllir ekki nútímastaðla," sagði Einar Þorvarðarson, þáverandi framkvæmdarstjóri HSÍ.

Myndin fyrir neðan sýnir uppdrátt af keppnishöllinni sem var notuð undir handboltakeppni Ólympíuleikanna í Ríó árið 2016. Skoðið hann í smástund og gjóið svo augunum að hægri uppdrættinum af Laugardalshöllinni.


Að lokum eru hér grunnmyndir af nýlega byggðum fjölnota íþróttahöllum. Þar sést hversu vel keppnisgólfið rúmast innan hallanna. Nútíma íþróttahallir þurfa að vera nokkuð stórar, það er staðreynd. Grunnmyndin lengst til hægri er af Laugardalshöllinni en rauði liturinn markar áhorfendastúkurnar og nánd þeirra við keppnisgólfið. Höllin lengst til vinstri var reist í Bosníu, önnur frá vinstri í Rúmeníu og sú þriðja í Þýskalandi.


Það sem þarf að gera er að fækka áhorfendasætum (höllin tekur í dag um 2.300 manns í sæti), niður í rúmlega 2.000 eða byggja nýjan, verðugan þjóðarleikvang innanhúsíþrótta.

Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F
Skrifa ummæli
Lesa meira

Landsliðsmenn um Laugardalshöll árið 1994: ,,á engan hátt samboðin þeirri reisn sem við viljum að íslenskur handknattleikur standi fyrir."

Íslenskir handboltalandsliðsmenn töldu sig illa svikna þegar ljóst var að ný keppnishöll myndi ekki rísa fyrir HM 95. Að þeirra mati var Laugardalshöllin úrelt bygging og engan veginn í stakk búin til að hýsa stórleiki á heimsmeistaramóti sem og aðra leiki að því loknu. Auðvitað var þessi höll þeim öllum kær en að þeirra mati áttu tilfinningar ekki að ráða för í þessu máli. Í júlí 1994, rúmum tíu mánuðum fyrir setningu heimsmeistaramótsins, sendu landsliðsmennirnir aðsenda grein í Morgunblaðið undir yfirskriftinni ,,Við gerum okkar besta - en ..." þar sem framtaksleysi stjórnvalda var harðlega gagnrýnt. ,,V ið höfum allir átt ógleymanlegar stundir í Laugardalshöllinni og margir af stærstu sigrum íslenska landsliðsins hafa einmitt verið þar. Hins vegar verður að viðurkennast að þessi 30 ára gamla bygging er barn síns tíma og á engan hátt samboðin þeirri reisn sem við viljum að íslenskur handknattleikur standi fyrir ," stóð m.a. í greininni. ,,Þ að er hins vegar alveg lj
Skrifa ummæli
Lesa meira