Fara í aðalinnihald

Viljayfirlýsing um byggingu fjölnota íþróttahallar var undirrituð 1988

Á þessu ári eru liðin 30 ár frá undirritun viljayfirlýsingar ríkisstjórnar Íslands um stuðning við umsókn HSÍ um að HM í handbolta skyldi haldið hérlendis. Ári síðar skrifaði ný ríkisstjórn undir aðra viljayfirlýsingu sem fól í sér byggingu stórrar keppnishallar.
Fyrir 29 árum voru íslensk stjórnvöld því tilbúin að byggja nýja fjölnota íþróttahöll en hinar séríslensku málalyktir urðu þær að byggt skyldi útskot á Laugardalshöllina, þar sem koma mætti fyrir aukabekkjum svo allir aflögufærir gætu komist fyrir á úrslitaleiknum.
Viljayfirlýsingin? Hvernig væri að rukka núverandi ríkisstjórn um hana.
Alla vega, íslensk stjórnvöld sendu svohljóðandi viljayfirlýsingu til Alþjóða Handknattleikssambandins (IHF) árið 1988: ,,The government of Iceland herewith declares that a new sports, exhibition and conference hall for 8.000 spectators is planned to be built in Reykjavik well in advance of the World Championship in Handball 1993 - 1994. This hall will be built in cooperation with Reykjavik City and several interested parties."
Og þegar árin liðu og menn voru farnir að lengja eftir ákvörðunum stigu alþingismenn í pontu hver á eftir öðrum og heimtuðu svör. Ingi Björn Albertsson var einn þeirra: ,,Hér er það alveg skýrt frá menntamálaráðherra í ríkisstjórn Íslands að þessi höll verður byggð," sagði Ingi og vitnaði í viljayfirlýsinguna. ,,Og meira að segja að hún verði byggð í samvinnu við Reykjavíkurborg. Þess vegna er það alveg ljóst í mínum huga að ríkisstjórnin er siðferðilega skyldug að reisa þessa höll."
Svo mörg voru þau orð og ljóst að margir alþingismenn voru orðnir leiðir á biðinni og aðgerðarleysinu. Það átti jú að halda HM í handbolta innan fárra ára.
Annar sem tók sér stöðu í pontunni og ljáði sér máls á þessu var Árni M. Mathiesen. ,,Við stöndum því í dag frammi fyrir vandamáli sem við verðum að leysa og við verðum að líta á það jákvæðum augum og leita lausna á málinu. Ég treysti því að ríkisstjórnin standi við þær fjárhagslegu skuldibindingar sem síðasta ríkisstjórn gerði til byggingar íþróttahússins í Kópavogi og hjálpi til svo hægt verði að byggja hér ráðstefnuhöll og sýningarhöll sem getur hýst þá leiki í heimsmeistarakeppninni sem þarf að leika í svo stóru húsi."

Bæklingurinn frægi með teikningu af fyrirhugaðri íþróttahöll:


Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F
Skrifa ummæli
Lesa meira

Landsliðsmenn um Laugardalshöll árið 1994: ,,á engan hátt samboðin þeirri reisn sem við viljum að íslenskur handknattleikur standi fyrir."

Íslenskir handboltalandsliðsmenn töldu sig illa svikna þegar ljóst var að ný keppnishöll myndi ekki rísa fyrir HM 95. Að þeirra mati var Laugardalshöllin úrelt bygging og engan veginn í stakk búin til að hýsa stórleiki á heimsmeistaramóti sem og aðra leiki að því loknu. Auðvitað var þessi höll þeim öllum kær en að þeirra mati áttu tilfinningar ekki að ráða för í þessu máli. Í júlí 1994, rúmum tíu mánuðum fyrir setningu heimsmeistaramótsins, sendu landsliðsmennirnir aðsenda grein í Morgunblaðið undir yfirskriftinni ,,Við gerum okkar besta - en ..." þar sem framtaksleysi stjórnvalda var harðlega gagnrýnt. ,,V ið höfum allir átt ógleymanlegar stundir í Laugardalshöllinni og margir af stærstu sigrum íslenska landsliðsins hafa einmitt verið þar. Hins vegar verður að viðurkennast að þessi 30 ára gamla bygging er barn síns tíma og á engan hátt samboðin þeirri reisn sem við viljum að íslenskur handknattleikur standi fyrir ," stóð m.a. í greininni. ,,Þ að er hins vegar alveg lj
Skrifa ummæli
Lesa meira