Fara í aðalinnihald

HM-höllin átti í fyrstu að vera eftirmynd japanskrar íþróttahallar

Þegar íslensk stjórnvöld höfðu skrifað undir viljayfirlýsingu þess efnis að byggð yrði ný fjölnota íþróttahöll í tengslum við Heimsmeistarakeppnina í handbolta fór strax í gang vinna við frumdrög að væntanlegri byggingu.
Það var Teiknistofan hf., sem sá um hönnunina en hún var að miklu leyti byggð á fjölnota íþróttahöll sem staðsett var í Osaka í Japan. Höllin var reist árið 1983 og bar heitið Osaka-Jo Hall.
Jón Hjaltalín Magnússon, þáverandi formaður HSÍ, hafði meðal annars gert sér ferð til Japans árið 1988, þar sem hann virti höllina fyrir sér ásamt öðrum aðilum innan handknattleikssambands Íslands.
Samkvæmt teikningum var gert ráð fyrir að höllin yrði 7.500 fermetrar að stærð og átti hún að rúma 8.000 manns í sæti. Í húsinu átti einnig að vera rými fyrir ráðstefnur og sýningar. Ráðgert var að höllin yrði reist við hliðina á Laugardalshöllinni á þeim stað sem frjálsíþróttahöllin er í dag.
Það er ljóst að um var að ræða nokkuð volduga byggingu; hringlaga og fyrirferðarmikla. Mannvirki sem stæði upp úr hvað stærð varðar á svæðinu. Teiknuð yfirlitsmynd af Laugardalshöllinni þar við hlið var sem loftmynd af Eyjafjallajökli við hliðina á Mýrdalsjökli og Kötlu. Séð á hlið líktist fyrirhugð höll reyndar Kötlu. Þannig að samlíkingin á alveg rétt á sér.
Hins vegar gerðu kostnaðaráætlanir ráð fyrir því að það tæki um 3 milljarða króna (á núvirði) að reisa hana, þannig að ljóst var nokkuð fljótlega að hugmyndin um þessa miklu höll yrði aldrei neitt annað en fallegt riss á blaði.
Innanhús var gert ráð fyrir að byggingin yrði rúmgóð og ljóst að hún hefði orðið veglegur og verðugur vettvangur úrslitaleiks HM 95. Mikið var lagt upp úr útli hennar og er ljóst að hún hefði sómað sér vel við hlið litlu Laugardalshallarinnar.
Fyrirmyndin, Osaka-Jo Hall, er mikið notuð undir tónleikahald í dag en alls geta 16 þúsund áhorfendur komist fyrir á tónleikum þar inni. Hún er vinsæll vettvangur stórra hljómsveita sem eru þar tíðir gestir.
Þegar horfið var frá áformunum um þessa hringlaga höll í Laugardalnum, urðu hugmyndirnar um HM-höllina lágstemmdari. Þess í stað var horfið til hins venjubundna kassalaga forms og menn voru tilbúnir að fórna glæsileikanum fyrir hógværar hugmyndir.



Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F
Skrifa ummæli
Lesa meira

Landsliðsmenn um Laugardalshöll árið 1994: ,,á engan hátt samboðin þeirri reisn sem við viljum að íslenskur handknattleikur standi fyrir."

Íslenskir handboltalandsliðsmenn töldu sig illa svikna þegar ljóst var að ný keppnishöll myndi ekki rísa fyrir HM 95. Að þeirra mati var Laugardalshöllin úrelt bygging og engan veginn í stakk búin til að hýsa stórleiki á heimsmeistaramóti sem og aðra leiki að því loknu. Auðvitað var þessi höll þeim öllum kær en að þeirra mati áttu tilfinningar ekki að ráða för í þessu máli. Í júlí 1994, rúmum tíu mánuðum fyrir setningu heimsmeistaramótsins, sendu landsliðsmennirnir aðsenda grein í Morgunblaðið undir yfirskriftinni ,,Við gerum okkar besta - en ..." þar sem framtaksleysi stjórnvalda var harðlega gagnrýnt. ,,V ið höfum allir átt ógleymanlegar stundir í Laugardalshöllinni og margir af stærstu sigrum íslenska landsliðsins hafa einmitt verið þar. Hins vegar verður að viðurkennast að þessi 30 ára gamla bygging er barn síns tíma og á engan hátt samboðin þeirri reisn sem við viljum að íslenskur handknattleikur standi fyrir ," stóð m.a. í greininni. ,,Þ að er hins vegar alveg lj
Skrifa ummæli
Lesa meira