Fara í aðalinnihald

Lúxemborg fjárfestir gríðarlega í uppbyggingu þjóðarleikvanga

Stjórnvöld í Lúxemborg hafa eytt 17,5 milljörðum króna í uppbyggingu þjóðarleikvanga frá árinu 2002. 9,7 milljarðar fóru í byggingu hins gríðarstóra d’Coque íþróttamannvirkis sem hýsir m.a. þjóðarleikvang innanhúsíþrótta og stærstu innisundlaug Lúxemborgar. Byggingarframkvæmdum þar lauk árið 2002.

7,8 milljarðar hafa farið í byggingu nýs þjóðarleikvangs í knattspyrnu sem verður tekinn á notkun árið 2019.

Í dag kynnti ríkistjórnin síðan uppbyggingaráform stórrar hjólreiðahallar (velodrome) upp á 8,4 milljarða í útjaðri höfuðborgarinnar. Um er að ræða mannvirki sem verður skilgreint sem þjóðarleikvangur fyrir hjólreiðaíþróttir og mun menntamálaráðuneytið og íþróttamálaráðuneytið skipta fjármögnunni á milli sín. Uppbygging hallarinnar á að fara fram tímabilið 2020 – 2023.

Það þýðir að árið 2023 munu stjórnvöld í Lúxemborg hafa eytt 26 milljörðum króna í uppbyggingu á hinum ýmsu þjóðarleikvöngum á um 20 ára tímabili. Íslensk stjórnvöld hafa á sama tíma fjárfest brotabroti af þessari upphæð í uppbyggingu þjóðarleikvanga hérlendis.

En hvers vegna er Lúxemborg, þetta smáríki með um 600 þúsund íbúa, að fjárfesta svona mikið í innviðum tengdum íþróttum? Hefur árangur knattspyrnulandsliðsins verið að batna á undanförnum árum. Hefur knattspyrnulandsliðið náð að komast inn á síðustu tvö stórmót? Hefur körfuboltalandsliðið náð að tryggja sig inn á EuroBasket? Hefur handboltalandsliðið unnið til verðlauna á stórmótum á síðustu 10 árum? Svarið er nei. Ef þessum spurningum væri beint að öðru smáríki, væri svarið já. Við öllum spurningum. Ég er að tala um Ísland.

Margir spyrja sig eflaust hvers vegna í ósköpunum Lúxemborg sé að undirbúa byggingu hjólreiðahallar upp á 8,4 milljarða. Svarið er einfalt. Það má líkja gildi hjólreiða í Lúxemborg við gildi handknattleiks hérlendis og eru þessar tvær íþróttagreinar óopinberar þjóðaríþróttir þessara tveggja þjóða. Stjórnvöld í Lúxemborg vilja gera vel við þjóðaríþróttina. Íslendingar taki eftir.

Afreksíþróttafólk í hjólreiðaíþróttum í Lúxemborg eru stolt þjóðarinnar og hafa hjólreiðamenn frá Lúxemborg m.a. unnið virtustu og veigamestu hjólreiðakeppni heims, Tour de France, í fimm skipti og er Lúxemborg í fimmta sæti yfir sigursælustu þjóðir keppninnar frá upphafi.

Stjórnvöld í Lúxemborg gera sér auðvitað grein fyrir mikilvægi þessarar íþróttagreinar meðal landsmanna og hafa nú ákveðið að reisa framúrskarandi mannvirki sem gerir hjólreiðafólki kleift að æfa og keppa við bestu aðstæður. Það á að ekkert að stíga á bremsuna, það á að gera afreksfólkið betra.

Hérlendis er handboltinn óopinber þjóðaríþrótt okkar Íslendinga og árangur karlalandsliðsins í körfubolta hefur batnað gríðarlega á undanförnum árum. En hvar er fjárfestingin í bættri aðstöðu og bættum innviðum hjá þessum innanhúsíþróttagreinum? Ég spyr.

Lúxemborg ætlar að fjárfesta 8,4 milljörðum í þjóðarleikvang fyrir hjólreiðar en hver er framkvæmdavilji íslenskra stjórnvalda í garð innanhússíþróttagreina?

Vissulega er komin hreyfing á mál Laugardalsvallar en betur má ef duga skal.

Við þurfum ekki að horfa lengra en til Lúxemborgar til að sjá að smáríki geta fjárfest duglega í íþróttatengdum innviðum.

Nýr þjóðarleikvangur fyrir hjólreiðaíþróttir í Lúxemborg. Mynd: Mecanoo Architecten.


Nýr þjóðarleikvangur í knattspyrnu. Mynd: FLF.

D'Coque, þar sem þjóðarleikvangur innanhússíþrótta er m.a. til húsa. Mynd: FLTT.

Ummæli

Skrifa ummæli

Vinsælar færslur af þessu bloggi

Ný þjóðarhöll Finna – verkefni upp á 50 milljarða króna

Mikil framkvæmdagleði ríkir nú á Norðurlöndum í uppbyggingu innanhúsíþróttamannvirkja og virðist ekkert lát vera þar á. Finnar hafa tekið ákvörðun um að byggja nýja þjóðarhöll sem á að leysa hið glæsilega mannvirki, Hartwall Arena, af hólmi. Hartwall Arena var tekin í notkun árið 1997 og hefur þjónað tveimur þjóðaríþróttum Finna, ís- og körfuknattleik, af myndugleik í hartnær tvo áratugi. Þrátt fyrir tilkomu nýrrar þjóðarhallar mun Hartwall Arena þó enn nýtast í einhverjum tilvikum Helsinki Garden Nýja þjóðarhöllin mun rísa á helsta íþróttasvæði Finnlands, á hinu svonefnda Ólympíusvæði í Helsinki. Byggingin mun standa við hliðina á Helsingin jäähalli sem var helsta inniíþróttahöll Finnlands, frá 1966 til 1997. Um er að ræða gríðarlega metnaðarfullt og kostnaðarsamt verkefni sem ber heitið Helsinki Garden en sjálft keppnis- og áhorfendarýmið verður niðurgrafið. Ofan á niðurgrafinni keppnishöllinni verður stór garður og torg umlukið 8 – 13 hæða háhýsum þar sem m...
Skrifa ummæli
Lesa meira

Kristianstad Arena í Svíþjóð

Svíar eru leiðandi afl í uppbyggingu íþróttamannvirkja á Norðurlöndum og í Kristianstad þar sem búa um 40.000 þúsund manns er að finna gríðarlega vandaða fjölnota íþróttahöll. Höllin sem um ræðir ber heitið Kristianstad Arena og var tekin í notkun árið 2010. Hún tekur 4.700 áhorfendur í sæti og var ein af keppnishöllunum á HM í handbolta í Svíþjóð 2011. Byggingarkostnaður hallarinnar nam um 4,5 milljörðum íslenskra króna á núvirði og var fjármögnunin alfarið í höndum sveitarfélagsins Kristianstad. Þó svo að höllin taki einungis 4.700 manns í sæti er hönnunin slík að svo virðist sem hún rúmi mun fleiri áhorfendur. Þetta er gríðarlega skemmtilegt og metnaðarfullt mannvirki sem 40.000 manna bær getur verið stoltur af. Þess má geta að höllin er heimavöllur IFK Kristianstad, þar sem Ólafur Andrés Guðmundsson, handknattleikskappi, hefur gert garðinn frægan á undanförnum árum.   Skjáskot: Google Earth. Mynd: Petter Arvidson/Bildbyrån.
Skrifa ummæli
Lesa meira

Árið var 1971 og þröngt setin Laugardalshöll var við það að springa

Handknattleikur er þjóðaríþrótt Íslendinga, á því leikur enginn vafi, og ríkti sannkallað handboltafár í Laugardalshöllinni árið 1971 þegar hluti Íslandsmótsins fór fram á fjölum hennar. Í frétt sem birtist í Morgunblaðinu í febrúar það ár segir frá því að höllin væri margsinnis troðfull af áhangendum sem flyktust þangað til að berja goðin augum. Svo segir um atganginn í Höllinni miðvikudagskvöldið 17. febrúar árið 1971 þegar tveir stórleikir á Íslandsmótinu fóru þar fram, annars vegar leikur ÍR og Víkings og hins vegar viðureign Vals og FH. ,, Alls keyptu rúmlega 3.300 manns sig inn á leikina og boðsgestir og aðrir munu hafa verið um 200, svo alls munu um 3.500 manns hafa fylgst með þessum spennandi leikjum ,“ stóð í fréttinni. ,, Vel kann að vera áhorfendur í Laugardalshöllinni þetta kvöld hafi verið nokkur hundruðum fleiri en gott rúm var fyrir og kvörtuðu nokkrir yfir því að þeir hefðu lítið séð. Hins vegar er það annað en gaman að þurfa að vísa áhugasömu fólki frá, og því ...
Skrifa ummæli
Lesa meira