Fara í aðalinnihald

Reykjavík (höfuðborgarsvæðið) rekur lestina í samanburði við norræn þéttbýlissvæði


Þeir sem fylgjast með þessu bloggi vita vel hversu miklir uppbyggingaskussar Íslendingar eru samanborið við flestar aðrar þjóðir. Þá á ég við í tengslum við byggingu þjóðarhalla eða svokallaðra þjóðarleikvanga.

Hér að neðanverðu er listi yfir 14 stærstu og fjölmennustu þéttbýlissvæði á Norðurlöndum. Á honum sést hversu mikil uppbygging hefur verið eða er áformuð í þessum borgum að undanskilinni Reykjavík.

Á listanum kemur fram hvaða íþróttahöll er helsta keppnishöll hverrar borgar og hvaða ár hún var tekin í notkun. Þá sést hvaða höll leyst var af hólmi. Einnig kemur fram hvort áformað sé að byggja nýja íþróttahöll eða hvort slík höll sé þegar í byggingu. Reykjavík er eina borgin þar sem engin áform eru uppi uppi um byggingu nýrrar stórrar íþróttahallar.

Kaupmannahöfn í Danmörku
Royal Arena (2017)
Leysti af hólmi: Bröndby Hallen (1973)

Stokkhólmur í Svíþjóð
Eriksson Globe (1989)
Leysti af hólmi: Hovet (1962)

Osló í Noregi
Oslo Spektrum (1990)
Leysti af hólmi: Jordal Amfi (1951)
Ný höll í byggingu: Nye Jordal Amfi (2019)

Helsinki í Finnlandi
Hartwall Arena (1997)
Leysti af hólmi: Helsingen Jaahalli (1966)
Ný höll í bígerð: Helsinki Garden (2022)

Árósir í Danmörku
NRGi Arena (2001)
Leysti af hólmi: Store hal (1954)

Gautaborg í Svíþjóð
Scandinavium (1971)
Ný höll í bígerð: Göteborgs Superarena (2027)

Malmö í Svíþjóð
Malmö Arena (2008)
Leysti af hólmi: Malmö Isstadion (1970)

Bergen í Noregi
Haukelandshallen (1970)
Ný höll í bígerð: Byarena (2022)

Tampere í Finnlandi
Tampereen Jaahalli (1965)
Ný höll í bígerð: Tamperen Areen 2021

Stafangur í Noregi
DNB Arena (2012)
Leysti af hólmi: Stavanger Ishall (1968)

Turku í Finnlandi
Gatorade Center (1990)
Ný höll í bígerð: Turku Areena (2022)

Þrándheimur í Noregi
Trondheim Spektrum (1971)
Ný höll í byggingu: Nye Trondheim Spektrum (2020)

Reykjavík (höfuðborgarsvæðið) á Íslandi
Laugardalshöll: (1965)

Uppsala í Svíþjóð
Granbyhallen (1974)
Ný höll í bígerð: Uppsala Eventcenter (2022)

Ef við spólum 10 ár fram í tímann og gefum okkar að öll áform þessarra norrænu borga gangi eftir og að stjórnvöld hérlendis haldi áfram að draga lappirnar. Þá mun staðan líta þannig út árið 2027.

Staðan árið 2027?
Borg, vígsluár íþróttahalla:
Gautaborg (2027)
Bergen (2022)
Helsinki (2022)
Uppsala (2022)
Turku (2022)
Tampere (2021)
Þrándheimur (2020)
Osló (2019)
Kaupmannahöfn (2017)
Stafangur (2012)
Malmö (2008)
Árósir (2001)
Stokkhólmur (1989)
Reykjavík (1965)

Áformað er að þessi fjölnota íþróttahöll rísi í Uppsala í Svíþjóð árið 2022. Mynd: Uppsalaeventcenter.se.


Ummæli

Skrifa ummæli

Vinsælar færslur af þessu bloggi

Kristianstad Arena í Svíþjóð

Svíar eru leiðandi afl í uppbyggingu íþróttamannvirkja á Norðurlöndum og í Kristianstad þar sem búa um 40.000 þúsund manns er að finna gríðarlega vandaða fjölnota íþróttahöll. Höllin sem um ræðir ber heitið Kristianstad Arena og var tekin í notkun árið 2010. Hún tekur 4.700 áhorfendur í sæti og var ein af keppnishöllunum á HM í handbolta í Svíþjóð 2011. Byggingarkostnaður hallarinnar nam um 4,5 milljörðum íslenskra króna á núvirði og var fjármögnunin alfarið í höndum sveitarfélagsins Kristianstad. Þó svo að höllin taki einungis 4.700 manns í sæti er hönnunin slík að svo virðist sem hún rúmi mun fleiri áhorfendur. Þetta er gríðarlega skemmtilegt og metnaðarfullt mannvirki sem 40.000 manna bær getur verið stoltur af. Þess má geta að höllin er heimavöllur IFK Kristianstad, þar sem Ólafur Andrés Guðmundsson, handknattleikskappi, hefur gert garðinn frægan á undanförnum árum.   Skjáskot: Google Earth. Mynd: Petter Arvidson/Bildbyrån.
Skrifa ummæli
Lesa meira

Árið var 1971 og þröngt setin Laugardalshöll var við það að springa

Handknattleikur er þjóðaríþrótt Íslendinga, á því leikur enginn vafi, og ríkti sannkallað handboltafár í Laugardalshöllinni árið 1971 þegar hluti Íslandsmótsins fór fram á fjölum hennar. Í frétt sem birtist í Morgunblaðinu í febrúar það ár segir frá því að höllin væri margsinnis troðfull af áhangendum sem flyktust þangað til að berja goðin augum. Svo segir um atganginn í Höllinni miðvikudagskvöldið 17. febrúar árið 1971 þegar tveir stórleikir á Íslandsmótinu fóru þar fram, annars vegar leikur ÍR og Víkings og hins vegar viðureign Vals og FH. ,, Alls keyptu rúmlega 3.300 manns sig inn á leikina og boðsgestir og aðrir munu hafa verið um 200, svo alls munu um 3.500 manns hafa fylgst með þessum spennandi leikjum ,“ stóð í fréttinni. ,, Vel kann að vera áhorfendur í Laugardalshöllinni þetta kvöld hafi verið nokkur hundruðum fleiri en gott rúm var fyrir og kvörtuðu nokkrir yfir því að þeir hefðu lítið séð. Hins vegar er það annað en gaman að þurfa að vísa áhugasömu fólki frá, og því ...
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F...
Skrifa ummæli
Lesa meira