Fara í aðalinnihald

Karlalandsliðið í körfubolta kom að læstri Laugardalshöll eftir EuroBasket 2015

Allir þrír heimaleikir íslenska karlalandsliðsins í körfubolta í undankeppni EuroBasket 2017 áttu upphaflega að fara fram í Smáranum í Kópavogi vegna þess að Laugardalshöllin var bókuð undir annan viðburð á sama tíma.

Takið eftir að þetta var undankeppnin eftir EuroBasket 2015, sællar minningar, þar sem Íslendingar stóðu uppi í hárinu á hverri stórþjóðinni á fætur annarri. Og þetta voru verðlaunin þegar heim var komið. ,,Því miður strákar en þið getið ómögulega spilað í höllinni því það eru aðrir búnir að bóka hana. En til hamingju með frábæra frammistöðu í Þýskalandi.“

Téður viðburður hafði reyndar verið bókaður með löngum fyrirvara og ekkert við þá sem að honum stóðu að sakast. Þetta sýnir bara fram á bága stöðu landsliðanna í hand- og körfubolta og þær slæmu aðstæður sem þau búa við.

Kópavogur reddar málunum
Forsvarsmenn Breiðabliks og Kópavogsbæjar höfðu hlaupið undir bagga eins og þeim er von og vísa og var ákveðið að heimaleikir Íslands skildu leiknir í Smáranum. FIBA Europe hafðu samþykkt undanþágur fyrir Smárann og allt var klappað og klárt.

En í byrjun ágúst 2016, rúmum mánuði fyrir fyrsta heimaleikinn varð ljóst að ekkert yrði af téðum viðburði í Laugardalshöll og var því afráðið að færa heimaleikina aftur þangað, þar sem hún er jú opinber heimavöllur landsliðanna.

KKÍ þakkaði forsvarsmönnum Breiðabliks og Kópavogs í fréttatilkynningu um málið fyrir þann velvilja sem landsliðinu var sýndur með því að bjóða Smárann fram sem leikstað.

Það er tvennt sem er hægt að læra af þessu máli: í fyrsta lagi eiga landsliðin í innanhúsíþróttum engan öruggan samastað og í öðru lagi eru Kópavogsbúar sannir öðlingar.


Lok, lok og læs. Mynd: Art Bicnick.

Ummæli

Skrifa ummæli

Vinsælar færslur af þessu bloggi

Ný þjóðarhöll Finna – verkefni upp á 50 milljarða króna

Mikil framkvæmdagleði ríkir nú á Norðurlöndum í uppbyggingu innanhúsíþróttamannvirkja og virðist ekkert lát vera þar á. Finnar hafa tekið ákvörðun um að byggja nýja þjóðarhöll sem á að leysa hið glæsilega mannvirki, Hartwall Arena, af hólmi. Hartwall Arena var tekin í notkun árið 1997 og hefur þjónað tveimur þjóðaríþróttum Finna, ís- og körfuknattleik, af myndugleik í hartnær tvo áratugi. Þrátt fyrir tilkomu nýrrar þjóðarhallar mun Hartwall Arena þó enn nýtast í einhverjum tilvikum Helsinki Garden Nýja þjóðarhöllin mun rísa á helsta íþróttasvæði Finnlands, á hinu svonefnda Ólympíusvæði í Helsinki. Byggingin mun standa við hliðina á Helsingin jäähalli sem var helsta inniíþróttahöll Finnlands, frá 1966 til 1997. Um er að ræða gríðarlega metnaðarfullt og kostnaðarsamt verkefni sem ber heitið Helsinki Garden en sjálft keppnis- og áhorfendarýmið verður niðurgrafið. Ofan á niðurgrafinni keppnishöllinni verður stór garður og torg umlukið 8 – 13 hæða háhýsum þar sem m...
Skrifa ummæli
Lesa meira

Kristianstad Arena í Svíþjóð

Svíar eru leiðandi afl í uppbyggingu íþróttamannvirkja á Norðurlöndum og í Kristianstad þar sem búa um 40.000 þúsund manns er að finna gríðarlega vandaða fjölnota íþróttahöll. Höllin sem um ræðir ber heitið Kristianstad Arena og var tekin í notkun árið 2010. Hún tekur 4.700 áhorfendur í sæti og var ein af keppnishöllunum á HM í handbolta í Svíþjóð 2011. Byggingarkostnaður hallarinnar nam um 4,5 milljörðum íslenskra króna á núvirði og var fjármögnunin alfarið í höndum sveitarfélagsins Kristianstad. Þó svo að höllin taki einungis 4.700 manns í sæti er hönnunin slík að svo virðist sem hún rúmi mun fleiri áhorfendur. Þetta er gríðarlega skemmtilegt og metnaðarfullt mannvirki sem 40.000 manna bær getur verið stoltur af. Þess má geta að höllin er heimavöllur IFK Kristianstad, þar sem Ólafur Andrés Guðmundsson, handknattleikskappi, hefur gert garðinn frægan á undanförnum árum.   Skjáskot: Google Earth. Mynd: Petter Arvidson/Bildbyrån.
Skrifa ummæli
Lesa meira

Árið var 1971 og þröngt setin Laugardalshöll var við það að springa

Handknattleikur er þjóðaríþrótt Íslendinga, á því leikur enginn vafi, og ríkti sannkallað handboltafár í Laugardalshöllinni árið 1971 þegar hluti Íslandsmótsins fór fram á fjölum hennar. Í frétt sem birtist í Morgunblaðinu í febrúar það ár segir frá því að höllin væri margsinnis troðfull af áhangendum sem flyktust þangað til að berja goðin augum. Svo segir um atganginn í Höllinni miðvikudagskvöldið 17. febrúar árið 1971 þegar tveir stórleikir á Íslandsmótinu fóru þar fram, annars vegar leikur ÍR og Víkings og hins vegar viðureign Vals og FH. ,, Alls keyptu rúmlega 3.300 manns sig inn á leikina og boðsgestir og aðrir munu hafa verið um 200, svo alls munu um 3.500 manns hafa fylgst með þessum spennandi leikjum ,“ stóð í fréttinni. ,, Vel kann að vera áhorfendur í Laugardalshöllinni þetta kvöld hafi verið nokkur hundruðum fleiri en gott rúm var fyrir og kvörtuðu nokkrir yfir því að þeir hefðu lítið séð. Hins vegar er það annað en gaman að þurfa að vísa áhugasömu fólki frá, og því ...
Skrifa ummæli
Lesa meira