Fara í aðalinnihald

Íþróttahúsin í Domino's deild karla - hverjir spila í elstu húsunum?

Þau 12 félög sem eiga fulltrúa í Domino's deild karla í körfubolta á komandi keppnistímabili tilheyra níu sveitarfélögum.

 Þrjú liðanna eru staðsett í Reykjavík (KR, Valur, ÍR), tvö í Reykjanesbæ (Keflavík, Njarðvík) og eitt í Hafnarfirði, Garðabæ, Kópavogi, Grindavík, Sauðárkróki, Þorlákshöfn og Borgarnesi.

Það er forvitnilegt að skoða hvaða félög spila í yngstu keppnishúsunum og heimavellir hvaða liða eru komnir á tíma?

 Ég hef tekið saman lista yfir öll keppnishúsin í efstu deild og raðað þeim skilmerkilega eftir aldri. Grindvíkingar og Haukar eiga yngstu keppnishúsin enda hafa opinberir keppnisleikir ekki farið þar fram ennþá. Haukar hefja nýtt tímabil í nýju húsi á meðan Grindvíkingar vígja nýtt keppnishús í byrjun næsta árs.

 Grindvíkingar munu hefja leik í gamla íþróttahúsinu sem var tekið í notkun 1985 en þar sem stutt er í vígslu nýja heimavallarins, set ég þá efst á blað ásamt Haukum. Það er ástæða til að óska báðum þessum félögum til hamingju með frábæra keppnisaðstöðu.

 Ásgarður í Garðabæ var vígður árið 1975 en gekkst undir viðamiklar endurbætur árið 1989 þegar húsið var stækkað. Þrátt fyrir þessar endurbætur er miðað við vígsluár mannvirkisins í þessari upptalningu.

 Hertz hellirinn, heimavöllur ÍR-inga í Seljaskóla var tekinn í notkun árið 1983 en ákveðið hefur verið að reisa stórt íþróttahús undir starfsemi ÍR í Mjódd innan fárra ára.

 Það er von mín að Njarðvíkingar fari að huga að nýju og stærra íþróttahúsi en Ljónagryfjan, Boston Garden Íslands, er elsta keppnishúsið sem spilað verður í á komandi keppnistímabili í efstu deild karla í körfubolta.

 Félag/heiti heimavallar/vígsluár:

Grindavík/Röstin/1985 (2019).
Mynd: Batteríið arkitektar.

Haukar/Ólafssalur/2018.
Mynd: Xdhafnarfjordur.is.

Valur/Origo höllin/2007.
Skjáskot: Já.is.

KR/DHL-höllin/1999.
Skjáskot: Já.is.

Breiðablik/Smárinn/1995.
Skjáskot: Já.is.

Þór Þórlákshöfn/Icelandic Glacial höllin/1991.
Skjáskot: Já.is.

Tindastóll/Síkið/1988.
Skjáskot: Já.is.

ÍR/Hertz hellirinn/ 1983.
Skjáskot: Já.is.

Keflavík/TM-höllin/1979.
Skjáskot: Já.is.

Skallagrímur/Íþróttamiðstöðin Borgarnesi/1978.
Skjáskot: Já.is.

Stjarnan/Ásgarður/1975.
Skjáskot: Já.is.

Njarðvík/Ljónagryfjan/1973.
Skjáskot: Já.is.

Ummæli

Skrifa ummæli

Vinsælar færslur af þessu bloggi

Kristianstad Arena í Svíþjóð

Svíar eru leiðandi afl í uppbyggingu íþróttamannvirkja á Norðurlöndum og í Kristianstad þar sem búa um 40.000 þúsund manns er að finna gríðarlega vandaða fjölnota íþróttahöll. Höllin sem um ræðir ber heitið Kristianstad Arena og var tekin í notkun árið 2010. Hún tekur 4.700 áhorfendur í sæti og var ein af keppnishöllunum á HM í handbolta í Svíþjóð 2011. Byggingarkostnaður hallarinnar nam um 4,5 milljörðum íslenskra króna á núvirði og var fjármögnunin alfarið í höndum sveitarfélagsins Kristianstad. Þó svo að höllin taki einungis 4.700 manns í sæti er hönnunin slík að svo virðist sem hún rúmi mun fleiri áhorfendur. Þetta er gríðarlega skemmtilegt og metnaðarfullt mannvirki sem 40.000 manna bær getur verið stoltur af. Þess má geta að höllin er heimavöllur IFK Kristianstad, þar sem Ólafur Andrés Guðmundsson, handknattleikskappi, hefur gert garðinn frægan á undanförnum árum.   Skjáskot: Google Earth. Mynd: Petter Arvidson/Bildbyrån.
Skrifa ummæli
Lesa meira

Árið var 1971 og þröngt setin Laugardalshöll var við það að springa

Handknattleikur er þjóðaríþrótt Íslendinga, á því leikur enginn vafi, og ríkti sannkallað handboltafár í Laugardalshöllinni árið 1971 þegar hluti Íslandsmótsins fór fram á fjölum hennar. Í frétt sem birtist í Morgunblaðinu í febrúar það ár segir frá því að höllin væri margsinnis troðfull af áhangendum sem flyktust þangað til að berja goðin augum. Svo segir um atganginn í Höllinni miðvikudagskvöldið 17. febrúar árið 1971 þegar tveir stórleikir á Íslandsmótinu fóru þar fram, annars vegar leikur ÍR og Víkings og hins vegar viðureign Vals og FH. ,, Alls keyptu rúmlega 3.300 manns sig inn á leikina og boðsgestir og aðrir munu hafa verið um 200, svo alls munu um 3.500 manns hafa fylgst með þessum spennandi leikjum ,“ stóð í fréttinni. ,, Vel kann að vera áhorfendur í Laugardalshöllinni þetta kvöld hafi verið nokkur hundruðum fleiri en gott rúm var fyrir og kvörtuðu nokkrir yfir því að þeir hefðu lítið séð. Hins vegar er það annað en gaman að þurfa að vísa áhugasömu fólki frá, og því ...
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F...
Skrifa ummæli
Lesa meira