Fara í aðalinnihald

Líkt og Kópavogur myndi reisa 6.000 sæta íþróttahöll

Mikill áhugi er fyrir því í Liechtenstein að reisa stóra fjölnota íþróttahöll sem nýst gæti smáríkinu til þess að halda stóra íþrótta-, ráðstefnu og tónleikaviðburði í framtíðinni en stærsta íþróttahöll landsins í dag rúmar einungis um 1000 manns í sæti.

Undirbúningur verkefnisins hefur staðið yfir í nokkur ár en stærsta ágreiningsefnið varðar staðsetningu hallarinnar. Tveir staðsetningarkostir þykja fýsilegri en aðrir og eru yfirvöld ekki alls kostar sammála um hvor eigi að vera fyrir valinu.

Ráðgert er að íþróttahöllin muni taka 5 – 6.000 manns í sæti og er ljóst að um er að ræða metnaðarfullt verkefni fyrir þjóð með einungis 40 þúsund íbúa, eða því sem samsvarar íbúafjölda Kópavogs.

Í fyrstu var ráðgert að reisa höllina í útjaðri Vaduz.

Í fyrstu þótti hentugast að reisa mannvirkið í Eschen sem er í útjaðri Vaduz, höfuðborgar Liechtenstein, en svo virðist sem að nú telji flestir hlutaðeigandi að fýsilegast sé að reisa höllina við hlið þjóðarleikvangsins í knattspyrnu.

Það er mikið af hentugu uppbyggingarsvæði umhverfis Rheinpark Stadion og með tilkomu hallarinnar skapast grundvöllur á alhliðaíþróttasvæði í Liechtenstein.

Enn sem komið hefur engin ákvörðun verið tekin í þessum efnum en það er greinilegt að yfirvöld í Liechtenstein standa yfirvöldum hérlendis mun framar í málefnum sem viðkoma innanhúsíþróttum.

Líklegast þykir að höllin rísi við hliðina á þjóðarleikvangi Liechtenstein í knattspyrnu.


Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem ...
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F...
Skrifa ummæli
Lesa meira

Hin svokallaða æskulýðshöll

Áður en byrjað var að slá upp fyrir sökklum Laugardalshallarinnar á sjöunda áratuginum hafði önnur íþróttahöll verið í pípunum um nokkurt skeið í Reykjavík, hin svokallaða æskulýðshöll. Frá upphafi fimmta áratugarins heyrðust með jöfnu millibili háværar óskir um þessa höll enda voru húsnæðismál inniíþróttagreina í miklum lamasessi í borginni. Æskulýðshöllin átti að gjörbylta aðstöðumálum inniíþrótta í borginni en hún átti m.a. að hýsa skautasal þar sem rými var fyrir 3000 áhorfendur auk annars minni íþróttasalar sem rúma átti 500 manns í sæti. Auk þess átti kvikmyndahús að vera samtengt íþróttahöllinni. Ekkert varð þó úr þessum áætlunum og má segja að Reykvíkingar hafi þurft að búa við bágan kost í húsnæðismálum inniíþróttagreina þar til Laugardalshöllin reis árið 1965. Gísli Halldórsson, arkitekt og hönnuður margra íþróttamannvirkja á Íslandi, gerði uppdrátt að æskulýðshöllinni sem sjá má hér að neðan. Auk þess fylgir hér kort sem sýnir hvar æskulýðshöllin átti að rísa. ...
Skrifa ummæli
Lesa meira