Fara í aðalinnihald

Leyfið mér að kynna Inussivik; þjóðarhöll Grænlendinga

Inussivík er fjölnota íþróttahöll í Nuuk á Grænlandi og er hinn formlegi þjóðarleikvangur fyrir innanhúsíþróttir þar í landi.

Byggingin var tekin í notkun árið 2002 og tekur 1.000 manns í sæti.

Það er því skemmtilegt að bera saman höfuðborgarsvæðið umhverfis Reykjavík, þar sem íbúafjöldinn er um 230 þúsund manns, og höfuðborgarsvæðið umhverfis Nuuk, þar sem íbúafjöldinn er um 18 þúsund manns.

Þar sem búa um 230 þúsund íbúar á stærsta þéttbýlissvæði Íslands er hinn svokallaði þjóðarleikvangur innanhússíþrótta, Laugardalshöllin; tekin í notkun árið 1965 og rúmar 2.300 manns í sæti.

Þar sem búa um 18 þúsund manns á stærsta þéttbýlissvæði Grænlands er hinn svokallaði þjóðarleikvangur innanhússíþrótta, Inussivik; tekin í notkun árið 2002 og rúmar 1.000 manns í sæti.

Það þýðir að 1% íbúa höfuðborgarsvæðisins og nærliggjandi byggða komast fyrir sem áhorfendur í Laugardalshöllinni á sama tími.

Það þýðir að 5,5% íbúa í Nuuk og nærliggjandi byggðum komast fyrir í Inussivík sem áhorfendur á sama tíma.

Berum þetta aðeins ítarlegra saman. Segjum sem svo að 5,5% íbúa höfuðborgarsvæðisins umhverfis Reykjavík gætu komist fyrir í Laugardalshöllinni. Það myndi þýða að sætafjöldi hennar væri 12.700. Allt of mikið myndu margir segja og ég er sammála því. 7 - 8.000 er kjörin stærð að mínu mati.

En segjum sem svo að að 1% íbúa höfðuborgarsvæðisins umhverfis Nuuk gætu rúmast í Inussivik. Það myndi þýða að sætafjöldi hennar væri 180. Það sér hver heilvita maður hversu fáranlega fá sæti það eru.

En þetta er veruleikinn sem við búum við hér á Íslandi, þ.e. Laugardalshöllin er allt of lítil. Það er staðreynd.

Hér að neðan eru síðan tvær myndir af Inussivík, þjóðarhöll Grænlendinga:


Ummæli

Skrifa ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem ...
Skrifa ummæli
Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F...
Skrifa ummæli
Lesa meira

Hin svokallaða æskulýðshöll

Áður en byrjað var að slá upp fyrir sökklum Laugardalshallarinnar á sjöunda áratuginum hafði önnur íþróttahöll verið í pípunum um nokkurt skeið í Reykjavík, hin svokallaða æskulýðshöll. Frá upphafi fimmta áratugarins heyrðust með jöfnu millibili háværar óskir um þessa höll enda voru húsnæðismál inniíþróttagreina í miklum lamasessi í borginni. Æskulýðshöllin átti að gjörbylta aðstöðumálum inniíþrótta í borginni en hún átti m.a. að hýsa skautasal þar sem rými var fyrir 3000 áhorfendur auk annars minni íþróttasalar sem rúma átti 500 manns í sæti. Auk þess átti kvikmyndahús að vera samtengt íþróttahöllinni. Ekkert varð þó úr þessum áætlunum og má segja að Reykvíkingar hafi þurft að búa við bágan kost í húsnæðismálum inniíþróttagreina þar til Laugardalshöllin reis árið 1965. Gísli Halldórsson, arkitekt og hönnuður margra íþróttamannvirkja á Íslandi, gerði uppdrátt að æskulýðshöllinni sem sjá má hér að neðan. Auk þess fylgir hér kort sem sýnir hvar æskulýðshöllin átti að rísa. ...
Skrifa ummæli
Lesa meira