Ísland aftur aftarlega á merinni: Gvæjana, Marshalleyjar og Brunei standa sig betur

Ísland telst til smáþjóðar í hinu alþjóðlega samhengi en afrek okkar á íþróttasviðinu toga okkur talsvert hátt upp listann, jafnvel uppfyrir milljóna íbúa þjóðir.

En með því að skoða þjóðir þar sem búa 3 milljónir manna eða færri kemur í ljós hversu lengi innanhúsíþróttir hafa setið á hakanum hérlendis. Stjórnvöld hafa einfaldlega ekki séð ástæðu til þess að búa afreksfólki í t.a.m. handknattleik og körfuknattleik viðunandi aðstöðu í samræmi við getu og stöðu þessa fólks og landsliða á hinu alþjóðlega sviði.

Ný og glæsileg þjóðarhöll í Belís.

Okkar stórkostlega handboltalandslið í karlaflokki vann til silfurverðlauna á Ólympíuleikum fyrir 10 árum og til bronsverðlauna á Evrópumóti stuttu síðar. Þrátt fyrir þá staðreynd að spila heimaleiki í íþróttahöll sem var og er á undanþágu vegna þess að hún uppfyllir ekki nútímastaðla og öryggiskröfur.

Hér að neðan er listi yfir þjóðir með 3 milljónir íbúa eða færri og vígsluár ,,þjóðarhalla” hvers lands. Nokkur lönd komust ekki á listann þar sem fátæktin er það mikil að engin sómasamleg íþróttahöll er þar til staðar.

Og hvar er Ísland statt á þessum lista. Jú í neðsta sæti; Laugardalshöllin er elst þessara keppnishalla! Samt má færa mjög sterk rök fyrir því að við séum ein besta innanhúsiþróttaþjóðin á þessum lista.

Þjóð (vígsluár)
Belís (2018)

Gabon (2018)

Albanía (2017)

Vanúatú (2017)

Botswana (2016)

Namibía (2014)

Katar (2014)

Mongólía (2011)

Litháen (2011)

Slóvenía (2010)

Armenía (2009)

Bahrain (2009)

Cook-eyjar (2009)

Svartfjallaland (2009)

Makedónía (2008)

Samóaeyjar (2007)

Kiribati (2007)

Lettland (2006)

Kýpur (2005)

Macau (2005)

Gíbraltar (2004)

Gvam (2004)

Fiji (2003)

Malta (2003)

Grænland (2002)

Liechtenstein (2002)

Lúxemborg (2002)

Jamaíka (2002)

Eistland (2001)

Marshalleyjar (1997)

Tonga (1993)

Barbados (1992)

Brunei (1992)

Andorra (1991)

Bahamas (1990)

Maldíveyjar (1983, ný höll tekin í notkun 2021)

Súrinam (1982)

Kósóvo (1977)

Gvæjana (1976, ný 6.000 sæta höll í bígerð)

Grænhöfðaeyjar (1975)

Færeyjar (1970)

San Marínó (1969)

Ísland (1965)

Ummæli

Vinsælar færslur af þessu bloggi

Nýtt íþróttahús í Njarðvík?

Íþróttahúsið í Njarðvík, Ljónagryfjan svokallaða, er elsta keppnishúsið sem er í notkun í Domino‘s deild karla í körfuknattleik. Húsið var tekið í notkun árið 1973 og stendur við grunnskóla Njarðvíkur. Ef mið er tekið af íþróttahúsum sem byggð hafa verið hérlendis á síðasta áratug eða eru í byggingu er ljóst að mannvirkið er allt of lítið; ekki er nægilegt rými umhverfis keppnisgólfið og þá er takmörkuð aðstaða fyrir áhorfendur. Húsið er einfaldlega of lítið fyrir starfsemi félagsins. Vitaskuld er Ljónagryfjan fallegt og skemmtilegt íþróttahús og er það eitt af djásnum íslensks körfubolta en því miður er það ekki boðlegt lengur sem heimavöllur eins sigursælasta körfuknattleiksfélags landsins. ,,Ljónagryfjan" í Njarðvík. Skjáskot: Ja.is. Mikil íbúafjölgun Árið 1973 voru íbúar Njarðvíkur 1.700 en í dag búa yfir 6.000 manns í Njarðvíkurhluta Reykjanesbæjar. Fjölgun íbúa í Njarðvík nemur því um 250% á tímabilinu og er ljóst að þörf er á aðgerðum af hálfu bæjaryfirvalda sem ...

Lesa meira

Nýtt körfuboltahús Hauka, Ólafssalur

Körfuknattleikslið Hauka mun spila á nýjum heimavelli á komandi leiktíð Domino's deildar karla og kvenna. Um er að ræða sérhæft körfuknattleikshús sem mun nær eingöngu þjónusta körfuknattleiksdeild Hauka. Um er að ræða einstakt hús á íslenska vísu og verður fróðlegt að fylgjast með því hvort önnur félög fylgi í kjölfarið. Keppnissalurinn er sérhannaður fyrir körfubolta og stúkan mun rúma 1100 manns en samkvæmt fréttum geta allt að 2.000 manns komist fyrir með því að raða fólki þétt á svölunum. Engin hefðbundin leikklukka verður í húsinu heldur verður stöðu, tíma og stigaskori varpað upp á LED skjái í sitthvorum enda vallarins. Meðfylgjandi myndir voru teknar af Erni Eyjólfssyni, ljósmyndara Fréttablaðsins, og birtist í frétt blaðsins um íþróttamannvirkið síðastliðið vor. Þá var áhorfendaaðstaðan ekki komin til landsins en hún ætti að vera kominn upp fyrir upphaf körfuknattleikstímabilsins í haust. Mynd: Örn Eyjólfsson, Fréttablaðið. Mynd: Örn Eyjólfsson, F...

Lesa meira

Hin svokallaða æskulýðshöll

Áður en byrjað var að slá upp fyrir sökklum Laugardalshallarinnar á sjöunda áratuginum hafði önnur íþróttahöll verið í pípunum um nokkurt skeið í Reykjavík, hin svokallaða æskulýðshöll. Frá upphafi fimmta áratugarins heyrðust með jöfnu millibili háværar óskir um þessa höll enda voru húsnæðismál inniíþróttagreina í miklum lamasessi í borginni. Æskulýðshöllin átti að gjörbylta aðstöðumálum inniíþrótta í borginni en hún átti m.a. að hýsa skautasal þar sem rými var fyrir 3000 áhorfendur auk annars minni íþróttasalar sem rúma átti 500 manns í sæti. Auk þess átti kvikmyndahús að vera samtengt íþróttahöllinni. Ekkert varð þó úr þessum áætlunum og má segja að Reykvíkingar hafi þurft að búa við bágan kost í húsnæðismálum inniíþróttagreina þar til Laugardalshöllin reis árið 1965. Gísli Halldórsson, arkitekt og hönnuður margra íþróttamannvirkja á Íslandi, gerði uppdrátt að æskulýðshöllinni sem sjá má hér að neðan. Auk þess fylgir hér kort sem sýnir hvar æskulýðshöllin átti að rísa. ...

Lesa meira

Laugardalshöll er úrelt: Íslendingar þurfa nýja fjölnota íþróttahöll

Leita í þessu bloggi