Fara í aðalinnihald

Íslendingar eru uppbyggingarskussar samanborið við aðrar Evrópuþjóðir

Mikil endurnýjun hefur átt sér stað á keppnishöllum flestra Evrópuþjóða undanfarna tvo áratugi. Nánast allar þjóðirnar hafa byggt upp hallir sem standast nútímastaðla og eru margar þeirra í fremstu röð í hand- og körfubolta. Því koma þessi mannvirki að góðum notum.
Sem stendur spila Íslendingar í þriðju elstu keppnishöllinni sem notuð er að staðaldri í undankeppnum boltagreina. Af þessum þremur uppbyggingarskussum er Ísland eina þjóðin sem hefur náð eftirtektarverðum árangri í bæði hand- og körfubolta á undanförnum árum. Með það í huga kemur framkvæmdaleysi stjórnvalda á óvart, einkum vegna þess að Laugardalshöll hefur verið stimpluð sem ólöglegur keppnisstaður í alþjóðahandknattleik. Hún er eiginlega á undanþágu. En hvað með það, hér er listi yfir byggingarár ,,þjóðarhalla" evrópskra þjóða í innanhúsíþróttum:
Rússland, VTB Arena, byggingu lýkur í ár, 2017.
Írland, Sport Ireland National Indoor Arena, 2017
Albanía, Tirana Olympic Park, 2016.
Wales, Ice Arena Wales, 2016.
Sviss, Tissot Arena, 2015
Kasakstan, Barys Arena, 2015
Pólland, Tauron Arena, 2014
Rúmenía, Polyvalent Hall (Cluj), 2014.
Moldóva, Complexului Sportiv, 2014.
Azerbaidjan, Baku Crystal Hall, 2012.
Búlgaría, Arena Armeec, 2011.
England, Copper Box, 2011
Litháen, Zalgiris Arena, 2011.
Tyrkland, Sinan Erden Dome, 2010.
Danmörk, Jyske Bank Boxen, 2010.
Slóvenía, Arena Stosize, 2010
Hvíta-Rússland, Minsk Arena, 2010.
Bosnía, Arena Zenica, 2009.
Svartfjallaland, Topolica Sport Hall, 2009.
Belgía, Lotto Arena, 2008.
Króatía, Arena Zagreb, 2008.
Makedónía, Boris Trajkovski Sports Center, 2008.
Lettland, Riga Arena, 2006.
Slóvakía, Steel Arena, 2006.
Kýpur, Spyros Kyprianou Athletic Center, 2005.
Ítalía, Pala Alpitour, 2005.
Tékkland, O2 Arena, 2004.
Serbía, Kombank Arena, 2004.
Ungverjaland, Papp Budapest Sports Arena, 2003.
Austurríki, Stadthalle Graz, 2002.
Eistland, Saaku Suurhall, 2001.
Norður-Írland, Odyssey Arena, 2000.
Skotland, Braehed Arena, 1999.
Lúxemborg, d’Coque, 1999.
Þýskaland, Lanxness Arena, 1998.
Portúgal, MEO Arena, 1998.
Finnland, Hartwall Arena, 1997.
Grikkland, Nikos Galis Olympic Indoor Hall, 1995.
Noregur, Hakans Hall, 1993.
Andorra, Poliesportiu d’Andorra, 1991.
Spánn, Palau Sant Jordi, 1990.
Svíþjóð, Ericsson Globe, 1989.
Frakkland, AccorHotels Arena, 1984.
Armenía, Karen Demirchyan Sports and Concerts Complex, 1983.
Malta, Cottonera Sports Complex, 1978.
Kosóvó, Palace of Youth and Sports, 1977.
Holland, Vijf Meihal, 1968.
Ísland, Laugardalshöll, 1965.
Georgía, Tblisi Sports Palace, 1961.
Úkraína, Palace of Sports, 1960.
Barys Arena í Kasakstan er stórglæsileg.

Ummæli

Skrifa ummæli

Vinsælar færslur af þessu bloggi

Ný þjóðarhöll Finna – verkefni upp á 50 milljarða króna

Mikil framkvæmdagleði ríkir nú á Norðurlöndum í uppbyggingu innanhúsíþróttamannvirkja og virðist ekkert lát vera þar á. Finnar hafa tekið ákvörðun um að byggja nýja þjóðarhöll sem á að leysa hið glæsilega mannvirki, Hartwall Arena, af hólmi. Hartwall Arena var tekin í notkun árið 1997 og hefur þjónað tveimur þjóðaríþróttum Finna, ís- og körfuknattleik, af myndugleik í hartnær tvo áratugi. Þrátt fyrir tilkomu nýrrar þjóðarhallar mun Hartwall Arena þó enn nýtast í einhverjum tilvikum Helsinki Garden Nýja þjóðarhöllin mun rísa á helsta íþróttasvæði Finnlands, á hinu svonefnda Ólympíusvæði í Helsinki. Byggingin mun standa við hliðina á Helsingin jäähalli sem var helsta inniíþróttahöll Finnlands, frá 1966 til 1997. Um er að ræða gríðarlega metnaðarfullt og kostnaðarsamt verkefni sem ber heitið Helsinki Garden en sjálft keppnis- og áhorfendarýmið verður niðurgrafið. Ofan á niðurgrafinni keppnishöllinni verður stór garður og torg umlukið 8 – 13 hæða háhýsum þar sem m...
Skrifa ummæli
Lesa meira

Kristianstad Arena í Svíþjóð

Svíar eru leiðandi afl í uppbyggingu íþróttamannvirkja á Norðurlöndum og í Kristianstad þar sem búa um 40.000 þúsund manns er að finna gríðarlega vandaða fjölnota íþróttahöll. Höllin sem um ræðir ber heitið Kristianstad Arena og var tekin í notkun árið 2010. Hún tekur 4.700 áhorfendur í sæti og var ein af keppnishöllunum á HM í handbolta í Svíþjóð 2011. Byggingarkostnaður hallarinnar nam um 4,5 milljörðum íslenskra króna á núvirði og var fjármögnunin alfarið í höndum sveitarfélagsins Kristianstad. Þó svo að höllin taki einungis 4.700 manns í sæti er hönnunin slík að svo virðist sem hún rúmi mun fleiri áhorfendur. Þetta er gríðarlega skemmtilegt og metnaðarfullt mannvirki sem 40.000 manna bær getur verið stoltur af. Þess má geta að höllin er heimavöllur IFK Kristianstad, þar sem Ólafur Andrés Guðmundsson, handknattleikskappi, hefur gert garðinn frægan á undanförnum árum.   Skjáskot: Google Earth. Mynd: Petter Arvidson/Bildbyrån.
Skrifa ummæli
Lesa meira

Árið var 1971 og þröngt setin Laugardalshöll var við það að springa

Handknattleikur er þjóðaríþrótt Íslendinga, á því leikur enginn vafi, og ríkti sannkallað handboltafár í Laugardalshöllinni árið 1971 þegar hluti Íslandsmótsins fór fram á fjölum hennar. Í frétt sem birtist í Morgunblaðinu í febrúar það ár segir frá því að höllin væri margsinnis troðfull af áhangendum sem flyktust þangað til að berja goðin augum. Svo segir um atganginn í Höllinni miðvikudagskvöldið 17. febrúar árið 1971 þegar tveir stórleikir á Íslandsmótinu fóru þar fram, annars vegar leikur ÍR og Víkings og hins vegar viðureign Vals og FH. ,, Alls keyptu rúmlega 3.300 manns sig inn á leikina og boðsgestir og aðrir munu hafa verið um 200, svo alls munu um 3.500 manns hafa fylgst með þessum spennandi leikjum ,“ stóð í fréttinni. ,, Vel kann að vera áhorfendur í Laugardalshöllinni þetta kvöld hafi verið nokkur hundruðum fleiri en gott rúm var fyrir og kvörtuðu nokkrir yfir því að þeir hefðu lítið séð. Hins vegar er það annað en gaman að þurfa að vísa áhugasömu fólki frá, og því ...
Skrifa ummæli
Lesa meira