Það myndi kosta nokkra tugi milljóna króna að fjárfesta í færanlegu stúkukerfi sem myndi nýtast flestum íþróttagreinum innanhús hérlendis auk tónleika- og ráðstefnuhalds en það tíðkast víða erlendis að ríki eða sveitarfélög fjárfesti í þess konar kerfi.
Fyrirspurnir voru sendar til nokkurra fyrirtækja sem sérhæfa sig á þessu sviði og er útkoman sú að um nokkuð ódýrari fjárfestingu er að ræða en ráð hefur verið gert fyrir. Spurt var um hver kostnaðurinn væri ef fjárfest væri í stúkukerfi sem hægt væri að setja upp á skömmum tíma og gæti rúmað 5,000 manns í sæti.
Í fyrstu yrði miðað við það að setja kerfið upp í knattspurnuhöll eða frjálsíþróttahöllinni en í framtíðinni yrði kerfið síðan framtíðaráhorfendaaðstaða í fjölnota íþróttahöll sem draumur margra er um að rísi hér á landi í náinni framtíð.
Tölur á bilinu 150 – 300 milljónir króna hafa verið nefndar í sambandi við möguleg kaup á færanlegum stúkum en ljóst er að kostnaðurinn er mun lægri.
Í svari sem Sport.is barst frá einu fyrirtækjanna kemur fram að áhorfendastúka, sem hægt er að setja upp á tveimur dögum, með sætum fyrir 5.000 manns kostar 54 milljónir króna. 8.000 sæta stúka kostar rúmlega 86 milljónir króna frá sama fyriræki. Verðið gæti þó lækkað eða hækkað aðeins við nánari útfærslu.
Í svari frá öðru fyrirtæki kemur fram að 5.000 sæta áhorfendastúka með sætum fyrir aftan mörkin en auðum hornum kostar rúmar 63 milljónir króna en ef sætum er bætt í hornin og hringnum lokað kostar fjárfestingin rúmar 77 milljónir króna. Í grunnteikningu sem Sport.is barst frá fyrirtækinu er ljóst að um er að ræða ræða glæsilega umgjörð, líklega eins og best gerist erlendis en 12 gáma þyrfti til að flytja það hingað til lands.
Fyrirspurnir voru sendar til nokkurra fyrirtækja sem sérhæfa sig á þessu sviði og er útkoman sú að um nokkuð ódýrari fjárfestingu er að ræða en ráð hefur verið gert fyrir. Spurt var um hver kostnaðurinn væri ef fjárfest væri í stúkukerfi sem hægt væri að setja upp á skömmum tíma og gæti rúmað 5,000 manns í sæti.
Í fyrstu yrði miðað við það að setja kerfið upp í knattspurnuhöll eða frjálsíþróttahöllinni en í framtíðinni yrði kerfið síðan framtíðaráhorfendaaðstaða í fjölnota íþróttahöll sem draumur margra er um að rísi hér á landi í náinni framtíð.
Tölur á bilinu 150 – 300 milljónir króna hafa verið nefndar í sambandi við möguleg kaup á færanlegum stúkum en ljóst er að kostnaðurinn er mun lægri.
Í svari sem Sport.is barst frá einu fyrirtækjanna kemur fram að áhorfendastúka, sem hægt er að setja upp á tveimur dögum, með sætum fyrir 5.000 manns kostar 54 milljónir króna. 8.000 sæta stúka kostar rúmlega 86 milljónir króna frá sama fyriræki. Verðið gæti þó lækkað eða hækkað aðeins við nánari útfærslu.
Í svari frá öðru fyrirtæki kemur fram að 5.000 sæta áhorfendastúka með sætum fyrir aftan mörkin en auðum hornum kostar rúmar 63 milljónir króna en ef sætum er bætt í hornin og hringnum lokað kostar fjárfestingin rúmar 77 milljónir króna. Í grunnteikningu sem Sport.is barst frá fyrirtækinu er ljóst að um er að ræða ræða glæsilega umgjörð, líklega eins og best gerist erlendis en 12 gáma þyrfti til að flytja það hingað til lands.
Ekki lengi að borga sig upp
Ef við gerum ráð fyrir að handknattleikslandsliðið spili þrjá til fjóra leiki í undankeppnum eða umspili á ári þar sem aðgöngumiðinn kostar 2.500 krónur og ef áhuginn er viðlíka og síðustu ár má gera ráð fyrir að uppselt yrði á leikina. HSÍ myndi þá fá rúmar 12.5 milljónir króna í kassann eftir hvern leik eða rúmar 50 milljónir á ári.
Að auki bætast við landsleikir í körfuknattleik auk þess sem boðið væri upp á aðstöðu fyrir sérsambönd að halda álíka keppni og fimleikasambandið hélt í frjálsíþróttahöllinni fyrir skömmu. En með kaupum á hreyfanlegu stúkukerfi væri fimleikasambandið í stakk búið að halda Evrópumót í hópfimleikum á nýjan leik án kostnaðar við að flytja inn stúkukerfi.
Í svörum við fyrirspurnum Sport.is kemur ennfremur í ljós að það hefur færst mjög í vöxt að ríki, sveitarfélög eða sérsambönd fjárfesti í svona stúkukerfum víðsvegar um heim. Það er tiltölulega ódýrt ef mið er tekið af byggingu íþróttahallna og hægt er að setja þau upp og taka þau niður á skömmum tíma.
Hér fyrir neðan er mynd af færanlegu stúkukerfi sem auðvelt yrði að setja upp, t.a.m. í knatthúsum sem eru algeng hérlendis.
Ef við gerum ráð fyrir að handknattleikslandsliðið spili þrjá til fjóra leiki í undankeppnum eða umspili á ári þar sem aðgöngumiðinn kostar 2.500 krónur og ef áhuginn er viðlíka og síðustu ár má gera ráð fyrir að uppselt yrði á leikina. HSÍ myndi þá fá rúmar 12.5 milljónir króna í kassann eftir hvern leik eða rúmar 50 milljónir á ári.
Að auki bætast við landsleikir í körfuknattleik auk þess sem boðið væri upp á aðstöðu fyrir sérsambönd að halda álíka keppni og fimleikasambandið hélt í frjálsíþróttahöllinni fyrir skömmu. En með kaupum á hreyfanlegu stúkukerfi væri fimleikasambandið í stakk búið að halda Evrópumót í hópfimleikum á nýjan leik án kostnaðar við að flytja inn stúkukerfi.
Í svörum við fyrirspurnum Sport.is kemur ennfremur í ljós að það hefur færst mjög í vöxt að ríki, sveitarfélög eða sérsambönd fjárfesti í svona stúkukerfum víðsvegar um heim. Það er tiltölulega ódýrt ef mið er tekið af byggingu íþróttahallna og hægt er að setja þau upp og taka þau niður á skömmum tíma.
Hér fyrir neðan er mynd af færanlegu stúkukerfi sem auðvelt yrði að setja upp, t.a.m. í knatthúsum sem eru algeng hérlendis.
Pistill sem ég skrifaði og birtist á Sport.is, 28. október 2014.
Ummæli
Skrifa ummæli